Milimo 20:4 - Amazwi Yakwe Leza 2013

⁴ Sopata, mwana Pilusi, uwafumile ku Belea, amusukilila, avino na Alisitako na Sekundo uwafumile ku Tesalonika, Gayusi uwa ku Debe na Timoti nga na Tikikasi na Tulofimo, afumile ku Asiya.

Milimo 20:4 ပူးပေါင်းရင်းမြစ်များ

Milimo 14:20

Lelo lino ataila iiza yamuunganila, Paulo akatuka aswilila mu musumba. Uwanda walondelela wene pamwi na Banaba yafumako yaya ku Debe.

Milimo 14:6

Lino atumwa yacimanya, yutukila ku Lisitala na Debe, misumba yaku Likoniya alino nu ku mpanga zyazingulwikeko.

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

Milimo 16:6

Yapisile mu mpanga ya Fulugiya na Galatiya pano Mupasi Wamuzilo atayazumilizye ukukosola ilandwe mu muputule wa mpanga ya Asiya.

Milimo 17:1

Paulo na auze yapita yapuzya mu Amfipolisi nu mu Apoloniya iiza ku Tesalonika, ukwali ng'anda ya mapepo ya Ayuda.

Milimo 17:13

Lelo lino Ayuda amu Tesalonika yuvwa ukuti Paulo wakosola mazwi ilandwe lyakwe Leza nu mu Belea kwene, yaya ku kutunkola antu ukuti yapange mpanzela.

Milimo 19:29

Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Milimo 2:9

Yamwi munotuli yafuma ku Patiya, ku Medya, ku Elamu, ku Mesopotamya, ku Yudeya, nga nu ku Kapadokiya. Yamwi nao yafuma ku Ponto nu ku Asiya,

Milimo 20:16

Paulo wasolwile kuti apuzye pa Efeso, pakuti atasumba kasita kamwi mu muputule wa mpanga ya Asiya. Walanga atapimpa pa kuti ndi cingaya, afike mu Yelusalemu pa wanda wa kuzevya Pentekosti.

Milimo 20:18

Nao lino iiza ayanena ati, “Mumanyile vino nasumvile insita ikulu cuze namwe, ukufuma pa wanda uno nafisile mu mpanga ya Asiya.

Milimo 21:29

Yalanzile cii pano yaweni Tulofimo uwafumile ku Efeso, ala yali na Paulo mu musumba nga yelenginye ukuti Paulo wamusenzile nu mu Ng'anda ikulu yakwe Leza.)

Milimo 27:2

Tupatama mu wato uwaku Adilamitiamu uwali nu kupita mu misumba yamu nkumba yakwe yemba, mu muputule wa mpanga ya Asiya, nga tukatuka tupita. Twali na Alisitako umwina Makedoniya, uwafumile ku Tesalonika.

Loma 16:21

Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

2 Kolinto 1:1

Kalata kufuma kuli Paulo, mutumwa wakwe Klistu Yesu kupitila mu kulonda kwakwe Leza, pamwi na Timoti mwina witu. Kwi uvi lyakwe Leza lino lili mu Kolinto, nga nu ku antu yakwe Leza yonsi ali mu mpanga yonsi yamu Akaya.

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.

Efeso 6:21

Tikikasi, mwina witu mukundwe nupya muomvi uwa cumi mu mulimo wa Mwene, alamunena vyonsi vya pamulandu nani, kuti mumanye wikazi wane na vino nkucita.

Filipi 2:19

Nkupaalila mu Mwene Yesu ukuti ndatuma Timoti kunomuli zuwa kuti ntekeziwe pa kuuvwa vino muli.

Kolose 4:10

Alisitako ali pamwi nani mu ng'anda yaminyololo. Wene watuma ulau kunomuli, vivyo kwene na Mako, muvyala wakwe Banaba. (Mwemo mwapokelela utunguluzi pali vino mungapokelela Mako ndi cakuti angiza kunomuli.)

Kolose 4:7

Tikikasi, mwina witu mukundwe nupya muomvi wa cumi mukutumikila Mwene pamwi naswe, wene alamunena vyonsi vya pamulandu wane.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

2 Timoti 1:2

Kuli Timoti, mwanane mukundwe mu utailo. Leza Tata nu Mwene witu Klistu Yesu aye ni cikuku na mizu kunuli, akupeele nu mutende.

2 Timoti 4:12

Natuma Tikikasi ku Efeso.

2 Timoti 4:20

Elasita wene wasile mu Kolinto, lelo Tulofimo wene namusile mu Mileto, pano wene wali umulwale.

Tito 3:12

Lino ndatuma Alitema nanti Tikikasi kunuli, uce wezye na maka yako yonsi kwiza ku Nikopoli, pano nemo nati nelenganya kwikala kuku mu nsita ya pamwela.

Filimoni 1:24

Aomvi yanji, Mako, Alisitako, Demasi, na Luka yamulamuka.

3 Yoane 1:1

Kufuma kuli ne Wikolo. Nkulembela Gayusi mukundwe wane, wino mu cumi namutemwa.