Milimo 2:41 - Amazwi Yakwe Leza 2013

⁴¹ Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Milimo 2:41 ပူးပေါင်းရင်းမြစ်များ

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Yoane 21:11

Caleka Simoni Petulo apatama mu wato nga akulila isumbo ukunzi ala lizilemo ni nswi zikulu mwanda onga na makumi yasano na zitatu. Lelo nanti zyali zingi cuze, isumbo litalepwike.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Milimo 27:37

Swensi swe muno twali mu wato twali mpendwa imyanda iili na makumi cinimbali na mutanda (276).

Milimo 3:23

Na wino wensi uwakana ukuvwa kasema wilya alapaatululwa kufuma ku antu yakwe Leza nu kononwa.’

Milimo 4:4

Lelo antu aingi auvwile Ilandwe lilya yataile, ni mpendwa ya alondezi ikulilako kufika manye mazimbi yasano.

Milimo 7:14

Caleka Yosefu watumile mazwi kuli Isi Yakobo, kumunena pamwi na akazi kakwe onsi, kuti iize ku Eguputo. Onsi pamwi yali makumi cinimbali na yasano.

Loma 13:1

Muntu wensi alinzile kuyela maka yakwe yakateeka, pano kutaya uteko utafuma kuli Leza. Mauteko yonsi akwe Leza, uwayasonta.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

Umbwilo 16:3

Nupya mungeli wakwe ciili nawe apongolwela vyamu lweso lwakwe muli yemba. Alino manzi yaya wa wazi wa muntu mufwe, nga ni ciumbwa consi ca muli yemba icifwa.