Milimo 2:40 - Amazwi Yakwe Leza 2013

⁴⁰ Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Milimo 2:40 ပူးပေါင်းရင်းမြစ်များ

Mapinda 9:6

Tini ukuya imbutuma, nga muye nu uumi, mwapita umu nzila zya kwiluka.”

Yelemiya 51:45

Puukini mufume mwenemo mwe ina Izlaeli. Utukini mupususye umi winu ku ukali wane ukulu.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Mako 8:38

Muntu ndi waya ni nsonyi pali nene na pa mazwi yane mu mukulo uu uwa uzelele nu wankota, Mwana wa Muntu alaya ni nsonyi panoli lino aliza pali pamwi na angeli yamuzilo, mu lulumbi lwakwe Isi.”

Luka 16:28

pano nkweti aina yane yasano. Leka apite akayaceule kuti nao yatakize ku cifulo cii ica ucuzi.’

Luka 21:36

Acino pempulini nu kupepa nsita zyonsi pakuti muye na maka a kuutuka ku vintu vyonsi iviliza vicitike, nga nu kwimilila pa manso ya Mwana wa Muntu.”

Yoane 21:25

Kuli vintu navyuze vino Yesu wacisile. Ndi vyonsi vyalemvilwe, nkwelenganya vino pano nsi ponsi patangaya incende ya kwikamo mpapulo zino zingalembwa.

Milimo 10:42

Wene watupile ilamulo kuti twakosola ilandwe ku antu, nga nu kupeela umboni vino wene ali wino Leza wasonta kuya kapingula wa antu, aumi na afwe kwene.

Milimo 15:32

Yuda, na Sailasi, yano ali akakosola yavwanga mazwi akuyakomelezya nu kuyatekezya.

Milimo 20:11

Lyene aswilila pa ng'anda ya papela, amokoola umukate, nga alya na ina. Pacisila ca kuvwanga nao pa nsita ntali, ukufika na pa macaca kwene, Paulo afumako.

Milimo 20:2

Apita mu miputule ya mpanga zizi ala akukomelezya antu mu mazwi aingi. Alino afika ku Gilisi,

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 20:9

Umulumendo izina lyakwe Yutuko watenzi lwapa nzota lino Paulo watantalizye kukosola. Yutuko wasipulanga anyomelwa nu tulo nga apona pansi kufuma pa ng'anda ya papela yakwe citatu. Lino yamukatusya, ala watafwa.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 4:36

Alino Yosefu mwina Levi uwavyalilwe ku Kupulo, wino atumwa yatemile izina yati Banaba (Cikusenula ukuti, “Wino akacincizya.”)

2 Kolinto 5:20

Twatumilwe kuya nkombe zyakwe Klistu, Leza umwisikulu akumupapata kuti mupange mutende pakasi kinu na aliwe.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Galatiya 5:3

Nupya kwene nkusoka umuntu wensi ukuti ndi wazumilizya kuti asilamulwe, ale lyene alinzile kuyela Masunde yonsi.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

1 Tesalonika 2:11

Mumanyile ukuti twamusunganga ndi vino isi wa muntu akacita ku ana yakwe.

1 Timoti 4:16

Uisunge nupya ucenjele mu kusambilizya kwako. Utwalilile kucita vintu vii, pano ndi wacita cii, ale lyene ulaituula wemwisikulu nga na yao akukuvwa.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.