Milimo 2:23 - Amazwi Yakwe Leza 2013

²³ Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Milimo 2:23 ပူးပေါင်းရင်းမြစ်များ

Utandiko 50:20

Mumine akapi ukucita uyi kunondi, lelo Leza ausenula ukuya usuma, pakuti atuule umi wa antu avule yano ali nu umi pa wanda wilelo.

Masamu 76:10

Cumi kwene, ukali wako apa antu ukalenga kuti yakulumbanye, Yao akapusuka uku zya nkondo yalatwalilila ukwiusya amanda akulu akwako.

Ezaya 37:26

Ee, kwene nanti ungalanda vyonsi vivyo, uzye wemo utatala uvwa ukuti ne Yawe Leza anene nateinye vivyo vyonsi mpiti? Ala anene kwene nasuka nafikilizya napali ndakai kwene. Anene nakupiile amaka akuwisya imisumba ya malinga, apakuti pangasyala sile imitumba ya vitalang'anda.

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Mateo 27:35

Lyene lino yamutana pa lupanda, yaankana ni vizwalo vyakwe, pacisila ca kupendola.

Mako 15:24

Lyene yamutana pa lupanda, yankana ni vizwalo vyakwe, yapendola pakuti yalole vino cila muntu amapelwa.

Luka 22:22

Mwana wa Muntu alafwa wakwe vino Leza wapingula, lelo kalanda ku muntu wino amamukoopa!”

Luka 22:37

Acino namunena vino icalembwa mu malembelo pamulandu wane, icikati, ‘Wapendilwe ukufwa pamwi na yakaifya,’ cili nu kufikiliziwa.”

Luka 23:33

Lino yafika ku cifulo camwangwa, “Pi panga,” yatana Yesu ni vipondo vyoili kwene, conga kwi kasa lilunji ni cuze kwi mani lyakwe.

Luka 24:20

Yasimapepo akalamba nga ni ntunguluzi yamupile kuti apingulwe ukufwa, alino yamutanyile.

Yoane 19:18

Kuku akuno yamutana pa lupanda, nga yatana na antu yauze yaili, wenga kwi kasa lilunji nu muze kwi mani lyakwe, wene yamwika pakasi kao.

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Milimo 13:27

Antu akaikala mu Yelusalemu, nga ni ntunguluzi zyao, yatamanyile vino Yesu ali Katuula, nanti ukwiluka mazwi yakwe yakasema yano yakawelenga cila Sabata. Lelo pa kuvunuka Yesu ku mfwa, yalenzile kuti mazwi yakwe yakasema yafikiliziwe.

Milimo 15:18

Vii avino Mwene wavwanga, wino walenzile kuti vii vimanyike kufuma ku mpiti.’”

Milimo 2:36

“Caleka aina Izlaeli yonsi yalinzile kumanya ningo vino Yesu wii wino mwatanyile pa lupanda awino Leza watacita kuya Umwene na Klistu.”

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Milimo 5:30

Yesu wazyukwike kufuma ku afwe ku maka yakwe Leza wa vikolwe vitu, pacisila lino mwamukoma pa kumupampamila pa lupanda.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Loma 2:12

Pano Akulukuwa yatapilwe Masunde yakwe Mose, lelo yakaifya nu kulowa yakalowa nanti Masunde yatayakuma. Ayuda yene yapilwe Masunde nu kwifya yakaifya. Caleka Leza alayapingula kulingana na Masunde.

Loma 4:17

ndi vino malembelo yakati, “Nakucita cikolwe ca antu amu nko zyonsi.” Ulayo uu wapilwe kuli Abulaamu pano wataile Leza, wino akapeela umi ku afwe nu kulenga kuti vintu vino vitaliko viyeko.

1 Tesalonika 2:15

Ayuda ayano yakomile Umwene Yesu na yakasema, nga nu kutuzunya. Leza asyazangila muli vino yakacita, nga antu kwene yaa yapusana na auze onsi!

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

1 Petulo 1:20

Leza wasolwile Klistu lino uumbo utali uyeko, nupya pakuti atuule mwemwe wene wasokolwile Klistu mu manda yaa akusyalikizya.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.