Milimo 2:20 - Amazwi Yakwe Leza 2013

²⁰ Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi uwa Mwene utacili ufike.

Milimo 2:20 ပူးပေါင်းရင်းမြစ်များ

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Ezaya 13:15

Wiyo wensi wino yalazana yalamukoma. Na wensi wino yalalemenkezya yalamukomola nu lupanga.

Ezaya 13:9

Wanda wakwe Yawe uliiza kwaula uluse. Ulaya uwanda wa ukali ni cipyu cikalamba. Ulasangula impanga iye amapooli nu konona kaifya wensi.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

Ezaya 34:8

Ilaya ili nsita ino Yawe alapususizyamo Zioni, nu kulandwilapo anisi yakwe.

Yelemiya 4:23

Lino nalolekesya insi, indola ukuti itakweti umwata nupya iyaulwamo akantu. Nga ndolekesya umwiyulu, namo musi uluswepo.

Yowelo 2:1

Lizini intandala ku Zioni. Pundini nu kuyasoka pa mwamba wane uwamuzilo. Aikala nsi yonsi yazakaze, pano ukwiza kwa wanda wakwe Yawe kwatikupalama.

Yowelo 2:31

Ilanzi lilasanguka mfinzi, nu mwezi nao ulayenza wa wazi, lino uwanda ukulu wa lulumbi wakwe Yawe utacili ufike.

Yowelo 3:14

Amaumba na maumba ya antu yali mu Cifoloma ca Upinguzi. Pano Uwanda wakwe Yawe watiupalama apipi mu Cifoloma ca Upinguzi.

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Malaki 4:5

“Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya.

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Mateo 27:45

Lino ilanzi lyafika umutwe papela (12 koloko), impanga yonsi inyepwa ni mfinzi kufika na pano ilanzi lyatemba (3 koloko).

Mako 13:24

“Mu manda yalya pacisila ca ucuzi ilanzi lilafita, umwezi utalawala,

Luka 21:25

“Kulaya vilangililo vyakuzunguka pi lanzi, mwezi, ni ntanda. Muno nsi, antu amu nko zyonsi yaloofiwa nu kupelelwa pamulandu wakukatuka kwa maimbi nga nu kululuma kwakwe yemba.

Milimo 2:19

Ndacita vinjelengwe mwiyulu papela nga ni vilangililo pano pansi, kulaya wazi, moto, ni cifutika ca cunsi.

Milimo 2:21

Lyene alino wensi wino alaama pi zina lya Mwene alatuulwa.’

1 Kolinto 5:5

mulinzile kupeela muntu wiyo kuli Ciwa pakuti mwili wa muntu wiyo uce ucuziwe, nu mupasi wakwe ukatuulwe pa Wanda uno Mwene Yesu aliiza.

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

2 Petulo 3:7

Lelo izwi lyakwe Leza ilyasunga mayulu nga ni nsi ino ilipo ilelo, kufika lino vilononwa nu moto. Vyene vyasungwa kufika pa wanda uno yakaifya yalapingulwa nu kononwa.

Umbwilo 16:8

Lyene mungeli uwalenga yani apongolwela vyamu lweso lwakwe api lanzi, nga ilanzi lizumiliziwa ukoca antu ku cikaililwa cikali cuze.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.