Milimo 2:2 - Amazwi Yakwe Leza 2013

² Mukupumikizya ciunda cikoline wa cipupu cikulu cuvwika kufuma kwiyulu, nga cilimba ng'anda yonsi muno yatenzi.

Milimo 2:2 ပူးပေါင်းရင်းမြစ်များ

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

Masamu 18:10

Alino aya aikala pali yakelubi nga apapuka. Avwelukila zuwazuwa apa mapa ya muza.

Lwimbo lwakwe Solomoni 4:16

Katuka we muza waku katutu, ndanga nawe we muza waku kayeya. Pungini pa calo cane pakuti umununko usuma uli mwenemo ulimbe monsimonsi, pakuti umukundwe wane aize aingile mu calo cakwe, alye iviseekwa visuma cuze ivyayamo.

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Luka 2:13

Lilyo kwene kuloleka mungeli ni iumba lyuze likulu lya angeli ya mwiyulu, yalumbanya Leza yati,

Yoane 3:8

Umuza ukapungila kuno ukasi, nga nawe ukauvwa ciunda cauko, lelo utangamanya kuno ukufuma na kuno ukuya. Avino cikaya kuli wensi wino wavyalwa kuli Mupasi Wamuzilo.”

Milimo 2:3

Lyene yalola cimbilimbili ca moto ciputokele, cikuloleka wa lulimi, ciikala pali cila muntu.

Milimo 2:6

Lino yuvwa congo, iumba likulu likongana nu kusamwa pano umuntu wensi uvwile ya kuvwanga mu lulimi lwakwe.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.