Milimo 19:9 - Amazwi Yakwe Leza 2013

⁹ Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 19:9 ပူးပေါင်းရင်းမြစ်များ

2 Yamwene 17:14

Nga lelo yatali akuti yuvwe, yali sile wa vikolwe vyao uku utalami, yao atataile muli Yawe Leza wao.

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Neemiya 9:29

Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Masamu 95:8

Mutakomya imyenzo ndi vino mwacisile kuku uku Meliba, ndi vino cali uwanda ulya uku Masa umu lwanga.

Mapinda 8:34

Walongo umuntu akanguvwa, wiyo akaikala manda pe pa mulyango wa ng'anda yane, wiyo akalolela apa wingililo wane.

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

Yoane 12:40

“Leza watapafuzya manso yao, nu kukomya myenzo yao, pakuti manso yao yatalola nanti yakampingu yao iiluke, pano limwi yangiza kunondi ne Leza, nga nane njapozye.”

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 14:4

Lyene antu amu musumba yapaatukana paili. Iumba limwi liwila ku atumwa ni lyuze ku Ayuda.

Milimo 17:4

Yamwi munoyali yataila mazwi yailundanya kuli Paulo na Sailasi, nga ni umba lya Agiliki yano apepanga Leza, na anaci acindame, nao kwene yailundanya kunoyali.

Milimo 19:23

Cali pa nsita kwene ii lino kwali cimvulunganya mu Efeso pamulandu ni nzila ya Mwene.

Milimo 19:30

Paulo umwisikulu nalwakwe walondanga ukwingila mwi umba, lelo alondezi yamulesya.

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Milimo 22:4

Nazunyanga nu kukomisya yamwi alondelanga nzila ya Mwene. Nalemanga aonsi na anaci nu kuyayalila mu ng'anda yaminyololo.

Milimo 24:21

Lelo cintu conga sile cino nalanzile kunoyali cakuti, ‘Ilelo nkupingulwa pakutaila vino afwe yalazyukuka yaye aumi.’”

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Milimo 9:2

kuti angamupeela ya kalata akuimanyisya ku ntunguluzi zya Ciyuda mu mang'anda ya mapepo ku Damasiko, pakuti ndi wazanyileko yamwi akalondela nzila ya Mwene, akwate maka aku yalema onsi, aonsi na anaci, ayatwale ku Yelusalemu.

Loma 11:7

Lyene, cili uli? Aina Izlaeli yatazanyile cino yalondanga. Impendwa sile inono yakwe yano Leza wasolwile acizanyile. Asyala yene ayakomya myenzo.

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

1 Kolinto 16:9

Pano kali kasita kasuma ka kuomba incito ikulu nupya ya mpomvu, nanti angala kuli anisi aingi.

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

2 Timoti 1:15

Wamanya ukuti cila muntu mu muputule wa mpanga ya Asiya wansoloka, maka maka Figelo na Hemogenesi.

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

2 Petulo 2:12

Lelo antu yaa yakoline wa nyama, viumbwa vizenzembe, zino zikalemwa nu kukomwa. Yene yakalanda vintu viipe pa vintu vino yatamanyile. Yene yalononwa wa nyama,

2 Petulo 2:2

Vivyo kwene antu aingi yalalondela misango iya ulenzyo. Acino pamulandu wa vintu vino yakacita, yauze yalavwangila ilandwe lisuma viipe.

Yuda 1:10

Lelo antu yaa, yakapontela cintu consi cino yatiiluka. Ndi vino inyama zya mpanga zyaya, vintu vino yamanya mu civyalilwa vyaya ivintu vilayonona.