Milimo 19:34 - Amazwi Yakwe Leza 2013

³⁴ Lelo lino yamanya vino wene u Muyuda, yapundila capamwi icili cimwi pa nsita ziili yati, “Mukulu a Alitemi uwaku Efeso!”

Milimo 19:34 ပူးပေါင်းရင်းမြစ်များ

1 Yamwene 18:26

Nayo ali pakutoola cipambasi wenga pali yano yalesile, nga iyateyanya na vyonsi ivyalondekwanga. Iyatandika nu kupepa Baali ukufika ni lanzi umutwe pakasi. Lyene yakuuta kuli Baali, yati, “Baali we, sitwasuke!” Yakasema yalya ale yakucina, yakuzinguluka kavuwa kano yakuuzile. Lelo Baali nawe ukwaula ukwasuka. Kutali uwakuti ayaasuke.

Mateo 6:7

“Lino mukupepa, mutaswililoka mu mazwi wakwe vino antu atataila Leza yakacita, pano yene yakaelenganya ukuti Leza alaasuka mapepo yao atali.

Milimo 16:20

Lyene yayatwala kuli yakapingula ya milandu a Ciloma, yayanena yati, “Antu ya Ayuda, yakuleta icimvulunganya mu musumba witu.

Milimo 19:24

Muntu umwi uwali kasula, izina lyakwe Demetiliyo uwasulanga siluva apanga vinkolanya vya ng'anda ikulu ya mapepo yakupepelamo Alitemi, leza wao mwanaci. Uculuzi wakwe uu, waletalanga aomvi yakwe muzano ukulu cuze.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 19:28

Lino iumba lyuvwile mazwi yaa, lisoka cuze litandika nu kupunda liti, “Mukulu a Alitemi uwaku Efeso!”

Milimo 19:33

Antu yamwi yelenginye ukuti Alekizanda ali mwine wa mulandu pano Ayuda ala yati yamukolezya yakumukunkizya. Lyene Alekizanda avwanga ala akuomvya ikasa ku antu ukuti yamyalale, aezya kuivwangila.

Milimo 19:35

Alino pa kusyalikizya kalemba uwamu musumba pa kumyalalika iumba alinena ati, “Mwe ina Efeso! Muntu wensi wamanya ukuti amu musumba wa Efeso ali yakalolela ya ng'anda ikulu yakwe Alitemi mukulu, nupya ali yakalolela aiwe ilyamuzilo lyaponyile kufuma mwiyulu.

Loma 2:22

Wemo ukalesya yauze uti, “Mutalongozya.” Lelo uzye wemo usyalongozya? Wemo wapata tuluwi, lelo uzye usyaiya vya pa maleza?

Umbwilo 13:4

Cila muntu wapefile cizoka pano cene capile maka akuteeka ku cilyanyi. Alino yapepa ni cilyanyi kwene yati, “Uzye aweni akoline wa cilyanyi? Uzye aweni angalwa naco?”