Milimo 19:3 - Amazwi Yakwe Leza 2013

³ Paulo ayauzya ati, “Uzye lyene uluwatizyo lwa musango cii luno mwawatiziwe?” Nao yamwasuka yati, “Uluwatizyo lwakwe Yoane.”

Milimo 19:3 ပူးပေါင်းရင်းမြစ်များ

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Luka 7:29

Lyene antu yonsi na yakasonkesya kwene lino yuvwa yazumila ukuti Leza umololoke pano yawatiziwe na Yoane.

Milimo 18:25

Muntu wii wasambiliziwe pamulandu wa nzila ya Mwene, nupya wali umukampuke mu kukosola ala akusambilizya ningo ivisinka vya pali Yesu. Lelo, nanti cali vivyo, wamanyile sile uluwatizyo lwakwe Yoane.

Milimo 8:16

Pano Mupasi Wamuzilo walanga atali aikile pa muntu nanti wenga. Yawatiziwe sile mwi zina lya Mwene Yesu.

1 Kolinto 12:13

Mu musango uli onga kwene, swensi kwene, Ayuda nanti Akulukuwa, azya nanti antungwa, twawatiziwe na Mupasi Wamuzilo ali umwi kwene kuti tuye mwili onga. Nupya swensi twapokelela Mupasi Wamuzilo wenga kwene.

Ayebulai 6:2

Nanti mu usambilizyo wa luwatizyo nu wa kwikilapo makasa, nanti kuzyukuka kwa afwe nu upinguzi wa pe.