Milimo 18:3 - Amazwi Yakwe Leza 2013

³ aya aikala nao yaombela pamwi pano imilimo yao yali ikolane na yakwe Paulo. Yene yali yakasuma ya mataalu.

Milimo 18:3 ပူးပေါင်းရင်းမြစ်များ

2 Yamwene 6:2

Cingazipa mutuzumilizye ukuya ku luzi lwa Yodani, tukakome ivimuti vyakuti twize tukuulile umwakuti twaikala.” Elisya nawe atali umukanyi, ayazumilizya ati, “Pitangini.”

1 Kolinto 4:12

Tukavuneka ni milimo ikome kuti tuilisye. Lino antu yatutipwila, swemo tukalenga Leza kuti ayapolelele. Lino antu yatuzunya, swemo tukaposya.

1 Kolinto 9:14

Mu musango uli onga kwene, Mwene nawe wapela ilamulo lyakuti yao akakosola Ilandwe yalinzile kupelwa vyakulya kufuma mu kukosola kwao.

1 Kolinto 9:15

Lelo nemo ntatala naomvya nsambu ili yonsi pali zii, nupya nsyakulemba cii ndakai pakuti ntandike kuziomvya. Canzipila ukufwa kuluta kuti umwi ampokolole nsambu ya kuilumba muli cii!

1 Kolinto 9:18

Uzye lyene malipilo cii yano nkapelwa? Malipilo yane akasita kasuma kakukosola Ilandwe Lisuma kwaula kulifya, nanti kuomvya nsambu zino nakwata mu mulimo wa kukosola ilandwe.

2 Kolinto 11:7

Nemo ntamulifizye cimwi lino nakosozile Ilandwe Lisuma lyakwe Leza kuno muli. Naicefizye nemwisikulu kuti muye akulu. Uzye ale naponzile pakucita cii?

2 Kolinto 11:9

Pa nsita ino nali pamwi namwe nemo ntamuletile masakamiko akungazwa lino nalondanga mpiya. Aina itu yano afumile ku Makedoniya yaletanga vyonsi vino nulilwanga. Ndi vino cali mpiti nga nu mu manda akwiza, nemo ntalatala nje wa cisendo kuno muli!

2 Kolinto 12:13

Uzye cani cino nacitile mauvi yauze cino ntacitile mwemwe. Cii, cikusenula vino nemo ntali wa cisendo kuno muli. Acino nkumupapata munjelele pa kuluvyanya kuno muli.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Tesalonika 4:11

Lekini simwililo linu liye ilya kwikala kwaula vyongo, muye akusakamala milimo inu, nu kuombesya ndi vino twamunenyile nkolelo.