Milimo 17:5 - Amazwi Yakwe Leza 2013

⁵ Lelo Ayuda yuvwa uzuwa nga yakonganika antu yamwi asilesile amu misolo atali na mulimo wakuomba yapanga iumba lya mpanzela. Yaponya impanzela mu musumba onsi, yazanza ing'anda ya muntu uwi zina lyakwe Yasoni, umukwezya kulonda Paulo na Sailasi yafumiwe panzi ku antu.

Milimo 17:5 ပူးပေါင်းရင်းမြစ်များ

Masamu 35:15

Lino nali umu ntazi, yonsi pasi pakusansamuka. Yakongana ala yatiyanzinguluka, yakunsoweka. Na antu yauze nayo yiza umu kuntimbola.

Masamu 69:12

Lyene iyikalila nu kunjambilapo, apa mpongolo zya musumba. Na akolesi iyanjimba nu mu nyimbo.

Mapinda 14:30

Umwenzo utambalale uli umi wa mwili. Uzuwa wene uli ulwale ukalya amafupa.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Mateo 27:18

Pano wamanyile vino yasimapepo akalamba yapile Yesu kunoli pamulandu sile wa uzuwa wao.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 14:2

Lelo Ayuda atakasi kutaila yatunka Akulukuwa kuti yapate aina Klistu.

Milimo 17:13

Lelo lino Ayuda amu Tesalonika yuvwa ukuti Paulo wakosola mazwi ilandwe lyakwe Leza nu mu Belea kwene, yaya ku kutunkola antu ukuti yapange mpanzela.

Milimo 17:6

Lelo lino yatayazanyile, yafumizye Yasoni na yano ataile yayatwala ku ntunguluzi zya musumba, yapunda yati, “Antu yaa yacita icimvulunganya mu misumba yonsi! Ndakai yati iiza nu mu musumba witu kwene,

Milimo 17:7

na Yasoni uwayasunga mu ng'anda yakwe. Onsi yakavuna masunde ya mwene Kesa, pa kunena antu ukuti kwaya sile Mwene muze wino zina lyakwe a Yesu.”

Milimo 17:9

Lelo ntunguluzi zinena Yasoni na auze kuti yalipile ulupiya sile pakuti yasapulwe, yayate yapite.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Milimo 19:40

Pano pali uzanzo wakupelwa mulandu uze uwakucita mpanzela pali cii cati cicitika ilelo. Kusi nanti ukuipokolola pa mulundu wakweco, nupya tutangalanda ningo umulandu uno cicitikile.”

Milimo 7:9

“Ana yakwe Yakobo yali nu uzuwa pa mwina wao Yosefu, yamukazya kuya umuzya ku mpanga ya Eguputo. Lelo Leza wali nawe,

Loma 16:21

Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

2 Kolinto 11:26

Mukasi ka nyendo zyane zingi, nali mu uzanzo wakusambela kwa nguzi, nu wa vipondo, nu wa Ayuda nga na Akulukuwa. Umi wane wali mu uzanzo mukasi ka misumba ikulu, mu lwanga, pali yemba, nga na pakasi ka antu yano aitakanga ukuti aina Klistu lelo yatali vivyo.

Galatiya 5:21

Yene yaya nu muvimbila, akolesi nupya yakacita ya muzangalwe nga navyuze vikoline na vii. Ndakai nkumuceula ndi vino namucewile inkolelo ukuti, yao akacita vintu vii yene yatalapyana Wene wakwe Leza.

Galatiya 5:26

Tutalinzile kuitutumula nanti kusosyanya nanti kuzuwilana.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

Yakapingula 9:4

Iyamupeela ulupiya lwakwe siluva ukulingana amakumi cinimbali ukufuma mu ng'anda ikulu yakwe Baali Beliti. Ulupiya kwene lulo luli luno Abimeleki aomvya ku kulembelapo awelewele, yamapuzu akuti yamulondela.