Milimo 17:32 - Amazwi Yakwe Leza 2013

³² Lino yuvwile Paulo akulanda pa kuzyukuka kufuma ku afwe yamwi yamusoweka, lelo yamwi yamunena yati, “Nupya tungatemwa ukuvwa vino walanda.”

Milimo 17:32 ပူးပေါင်းရင်းမြစ်များ

Utandiko 19:14

Lyene Loti aya kuli yasivyala ali nu kutwala ana yakwe ati, “Pitisini mufume muno musumba, pano Yawe akulonda konona cifulo ci.” Lelo yene yelenganya ukuti imyawe.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Luka 14:18

Lelo onsi, cila muntu nu muze yatandika kulenga uwelelo. Uwankolelo wanenyile muomvi ati, ‘Nati nkala icalo, nupya ndinzile nje nkacilole. Napapata unjelele ntangiza,’

Luka 22:63

Antu alindanga Yesu yamusaalula nu kumuma.

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.

Luka 23:36

Na asilika kwene iiza kunoli, yamusaalula, yamuletela waini musasalume, yati,

Milimo 13:41

‘Lolini, mwe antu amisowe! Zungukini nu kulowa! Pano lino muli aumi musyakutaila cintu cino nkucita ilelo, nanti angala umwi walondolola kunomuli!’”

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Milimo 17:33

Caleka Paulo afuma mu ukongano.

Milimo 2:13

Yamwi nao yavwanga misowe misowe yati, “Antu ya, yatiyakoleka.”

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Milimo 25:19

Yapazyanyizye sile nawe pamulandu wa mipepele yao nga na pa muntu uwi zina lyakwe Yesu, wino uwafwile. Lelo Paulo akavwanga ukuti ali nu umi.

Milimo 26:8

Uzye lyene pacani mwemo mwacizana icitale kutaila ukuti Leza angazyukula antu kufuma ku afwe?

1 Kolinto 1:23

Lelo swemo tukakosola Klistu uwatanyilwe pa lupanda, ilandwe lyaya icisiki cakupumikako Ayuda nupya utumpe ku Akulukuwa.

1 Kolinto 15:12

Ndi cakuti tukukosola ukuti Klistu wazyukwike kufuma ku mfwa, uzye lyene yamwi munomuli yangalanda uli ukuti antu yatalazyukuka kufuma ku afwe yaye nu umi?

1 Kolinto 4:10

Pamulandu wakwe Klistu antu yakutulola wa viwelewele. Lelo mwemwe yamano muli Klistu! Swemo sweswe atonte, lelo mwemo mwemwe yakomeleke! Swemo twasulwa, lelo mwemo mwacindikwa.

2 Kolinto 6:2

Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.