Milimo 17:26 - Amazwi Yakwe Leza 2013

²⁶ Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Milimo 17:26 ပူးပေါင်းရင်းမြစ်များ

Utandiko 3:20

Adamu watemile umuci wakwe izina ati Eva, pamulandu wakuti ali nyina wa antu onsi.

Utandiko 9:19

Ana ya yatatu yakwe Nowa vili vikolwe vya antu yonsi aya mu nsi.

Yobo 12:23

Aliwe akakuzya inko, nupya aliwe kwene akazyonona. Aliwe akalenga imitundu ukusanduluka, nu kuisalanganya.

Yobo 14:5

Amanda ya muntu pano nsi yapendwa mpiti. Nupya wewe umanyile impendwa ya myezi yakwe. Pano awewe kwene wamupimila insita. Uzye lyene wene angacila penepo?

Masamu 31:15

Umi wane onsi waya umu minwe yako. Umpususye uku minwe ya anisi yane, yakwe yayo akancuzya.

Masamu 74:17

Awewe wika yanande yonsi pano nsi, ukaleta icisanya ni cisiku.

Ezaya 14:31

Pongomoka, we mpongolo! Laizini tutuulwe mwe misumba yamu Filisti! Ukwi kasa limani kulafuma icunsi, ca vita, musi nanti acantete mu vifulo vyao.

Ezaya 34:17

Yawe aliwe amavyankanya impanga pano viyelile, nu kupeela conga conga iciputulwa cakweco. Ili mpanga ino ilaya iyaupyanyi, iyakwikalila mwenemo ukufika sile nu kukusila kwa nsi.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Danieli 11:27

Lyene yamwene yalya yaili yalikala nu kulya icakulya pamwi, lelo amalango yao yalaya aipe, nupya yalasombana. Yene yatalakwata cino yakulonda, pamulandu wakuti insita yakweco itatala yafika.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Malaki 2:10

Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Milimo 15:18

Vii avino Mwene wavwanga, wino walenzile kuti vii vimanyike kufuma ku mpiti.’”

1 Kolinto 15:22

Ndi vino Adamu walesile imfwa kunotuli swensi, avino Klistu nawe waleta umi kunotuli swensi.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.