Milimo 17:23 - Amazwi Yakwe Leza 2013

²³ Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Milimo 17:23 ပူးပေါင်းရင်းမြစ်များ

Masamu 147:20

Atatala wacita vivyo uku mutundu uli onsi, yene yatamanya amasunde yakwe, awe. Lumbanyini Yawe!

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Ezaya 45:4

Pamulandu wakwe Yakobo umuomvi wane, pamulandu wakwe Izlaeli umusololwe wane, nkukwamila ukwi zina lyako, nkukupeela izina ilicindame nanti angala wemo utamanyile nene.

Mateo 15:9

Nanti yakumpepa icasilesile, pano yakasambilizya masunde ya untunze kwati ali masunde yane!’ ”

Yoane 17:25

Tata, wewe mololoke! Antu amu nsi yatakumanyile, lelo nemo nakumanya, nga na yaa yamanya vino wewe wantumile.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 4:22

Mwe Asamaliya mukapepa wino mutamanya, lelo swemo swe Ayuda tukapepa wino twamanya, pano ufyusi walailwe kupitila mu Ayuda.

Yoane 8:54

Yesu aasuka ati, “Ndi nkuikuzya nenga ale ukulu wane usi cimwi. Tata aliwe akankuzya. Mwemo mukalanda vino wene a Leza.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Kolinto 8:5

Nanti angala vintu vingi mwiyulu na pano pansi vikaamwa ukuti, “Yaleza,” nga nu kuti, “Yamwene,”

Efeso 2:12

Mu nsita ilya mwemo mwali mutali mumanye vyapali Klistu. Mwemo mwali ainamasi pakasi ka ina Izlaeli, nupya mutali antu asololwe yakwe Leza. Mutakweti mbali imwi mu vipangano vino vimikwe pa malayo yakwe Leza ku antu yakwe. Nupya mwatenzi munonsi kwaula upaalilo nanti Leza.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.