Milimo 17:2 - Amazwi Yakwe Leza 2013

² Lyene ndi vino umwata wakwe wali, Paulo aingila muno yali. Pa Masabata yatatu alanzyanya nao mu malembelo,

Milimo 17:2 ပူးပေါင်းရင်းမြစ်များ

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Luka 4:16

Lyene Yesu waile ku Nazaleti kuno wakulile. Pa Sabata, aingila mu ng'anda ya mapepo, umwaelile mwata wakwe, nga aimilila kuti awelenge.

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Milimo 13:5

Lino yafika mu musumba wa Salamisi, yakosola ilandwe lyakwe Leza mu mang'anda ya mapepo ya Ayuda. Yali na Yoane Mako kazwa wao.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 17:10

Zuwa lino kwafita, aina yatuma Paulo na Sailasi ku Belea. Lino yafikako, yaya ku ng'anda yamapepo ya Ayuda.

Milimo 17:17

Caleka Paulo wayanga kung'anda yamapepo kukulanzyanya na Ayuda na Akulukuwa yao apepanga Leza wacumi, nga nu mumasokoni kwene wacitanga cili conga manda onsi kuli yano wazanangako.

Milimo 18:4

Cila Sabata wayanga ku ng'anda ya mapepo ala akwezya kutonsya Ayuda na Agiliki kuti yazumile.

Milimo 19:8

Lyene Paulo aya mu ng'anda ya mapepo ya Ayuda, nga pa myezi itatu avwanga ku antu nu kupama ala akwezya na maka ukuyatonsya pamulandu wa Wene wakwe Leza.

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

1 Samueli 12:7

Acino fwandi lyene imililini pano, nga nani namamusinila pa manso yakwe Yawe, pamulandu ni vizungusyo vyonsi vino Yawe wacitile mwemwe ni vikolwe vinu.