Milimo 17:18 - Amazwi Yakwe Leza 2013

¹⁸ Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 17:18 ပူးပေါင်းရင်းမြစ်များ

Mapinda 23:9

Utalandila ivintu vyamano uku muntu umuwelewele, pano wene atange auvwe usuma muli vino ukulanda.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mako 9:14

Lyene lino iiza yuminkana na alondezi yauze, yalola iumba likulu cuze lyati liyazinguluka ala na yakasambilizya ya Masunde yamwi yakupazyanya nao.

Luka 11:53

Lino Yesu wafumile pa ncende iilya, yakasambilizya ya Masunde na Afaliseo yatandika kumusokela nu kumuuzya amauzyo aingi,

Milimo 26:23

Yavwanzile ukuti Klistu, Katuula uwalavilwe alinzile kucula nu kuya uwankolelo kuzyukuka kufuma ku mfwa, kuti alete luswepo lwa ufyusi ku Ayuda nu ku Akulukuwa.”

Milimo 4:2

Yene yali asoke cuze pano atumwa yaa yasambilizyanga antu yayanena yati Yesu watazyukuka kufuma ku afwe. Na cii cikusininkizya vino afwe yalazyukuka kufuma ku afwe.

Milimo 5:42

Cila wanda atumwa yatwalilile kusambilizya mu mang'anda ya antu nu mu Ng'anda ikulu yakwe Leza, nga nu kukosola Ilandwe Lisuma ilyakuti Yesu ali Katuula.

Milimo 6:9

Lelo antu yamwi yamukatukila, yali amu Ng'anda yamapepo ino yatangi ya antu akululwa. Antu yaa yafumile ku Kuleni nu ku Alekizandilya. Yene pamwi na Ayuda yauze afumile ku Kilikya nu ku Asiya yatandike kupazyanya na Sitivini.

Loma 1:22

Yakaitaka kuya antu yamano, lelo yene iviwelewele.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

1 Kolinto 4:10

Pamulandu wakwe Klistu antu yakutulola wa viwelewele. Lelo mwemwe yamano muli Klistu! Swemo sweswe atonte, lelo mwemo mwemwe yakomeleke! Swemo twasulwa, lelo mwemo mwacindikwa.

Kolose 2:8

Mutaleka umuntu nanti umwi amutumpike na mazwi a uwelewele. Mazwi yao yangaloleka kuya a mano, lelo kusambilizya kwao ukwa misango ya vintu vyamu nsi visi vya pali Klistu.