Milimo 17:16 - Amazwi Yakwe Leza 2013

¹⁶ Paulo walolelanga Sailasi na Timoti mu Atena, cimucuzya mu mwenzo pa kulola vino umusumba wazilemo tuluwi.

Milimo 17:16 ပူးပေါင်းရင်းမြစ်များ

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:14

Eliya nawe aasuka ati, “We Yawe, Leza Wamaka yonsi, nemo nkakutumikila amanda yonsi nupya awewe wenga mpo wino nkatumikila. Nga lelo aina Izlaeli yonona upangano wakwe wewe nayo. Yaongolola nu tuvuwa twako, yalunda penepo nu kukoma yakasema yako yonsi sile. Anene sile nasyala nenga. Nani kwene yakulonda kuti yankome.”

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Masamu 119:158

Nkati ndi nalolekesya antu asitaila, pamulandu wakuti yasiwaka amalamulo yako, nemo inyunguluka.

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Yoane 2:13

Lino insita ya kuzevya Cimulo ca Ucilo ca Ayuda yapalama pipi, Yesu aya ku Yelusalemu.

Milimo 17:15

Antu asukilile Paulo yamufisizye ku Atena. Alino yaswilila ku Belea na mazwi yano Paulo wayatumilizye akuti Sailasi na Timoti nao yaye zuwa kunoli.

Milimo 17:21

Pano onsi aikala mu musumba wa Atena na inamasi atenzimo yatemilwe ukusumba utusita twao tonsi mu kuvwanga nu kuvwa amazwi ya pa vintu vipya.)

Milimo 17:23

Pano lino natandalanga mu musumba winu nu kulola mu vifulo vino mukapepelamo, nazanyile akavuwa apalembwa ukuti, ‘Kuli Leza wino atamanyikwa.’ Cico cino mukapepa mu kuntamanya, acino ndakai namamulandila.

Milimo 18:1

Pacisila ca vintu vii, Paulo afuma ku Atena aya ku Kolinto.

Milimo 20:22

Lyene ndakai, pa kuyela Mupasi Wamuzilo nkuya ku Yelusalemu, ukwaula kumanya icilamponela kweneko.

1 Tesalonika 3:1

Caleka, swemo twaposiwe kulolela. Acino twelenginye kwikala swenga mu Atena,

2 Petulo 2:7

Wene watuuzile Loti, umuntu uwacitanga vyawololoke, wino wanyungulukanga pa vya winyi vino antu yankota yacitanga.