Milimo 16:22 - Amazwi Yakwe Leza 2013

²² Alino iumba likatukila Paulo na Sailasi. Lyene yakapingula ya milandu yalepula insalu zyakwe Paulo na Sailasi, yapela ilamulo kuti yumwe ivikoti.

Milimo 16:22 ပူးပေါင်းရင်းမြစ်များ

Mateo 10:17

Lelo mucenjele na antu, pano yalamutwala ku vilye vya milandu, nupya yalamuma ivikoti mu mang'anda ya mapepo.

Mateo 27:26

Lyene ayasapwila Balaba, lelo apingula kuti yume Yesu vikoti, nga ayapeela kuti yamutane pa lupanda.

Luka 12:11

“Lino mwemo yamuleta ku mang'anda ya mapepo nu ku yalasi, nga na kuli yakateeka, mutakasakamale pali vino mungaipokolola nanti pali vino mulavwanga.

Milimo 16:37

Lelo Paulo anena asilika ati, “Tutazanyilwe nu mulandu nanti umwi, lelo yatumile ivikoti apaswe, nupya sweswe ikazi yamu Loma! Lyene yatusumbila mu ng'anda yaminyololo. Uzye ndakai yakulonda uli kuti yatuleke mu nkama? Awe citangaya vivyo! Yakapingula ya milandu a Ciloma aisikulu yalinzile kwiza tufumya.”

Milimo 17:5

Lelo Ayuda yuvwa uzuwa nga yakonganika antu yamwi asilesile amu misolo atali na mulimo wakuomba yapanga iumba lya mpanzela. Yaponya impanzela mu musumba onsi, yazanza ing'anda ya muntu uwi zina lyakwe Yasoni, umukwezya kulonda Paulo na Sailasi yafumiwe panzi ku antu.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

2 Kolinto 6:5

Tumwanga, twanyepwanga mu man'ganda ya minyololo nga nu kuciswa mu zya mpanzela. Twaombesyanga nupya tutalalanga tulo nanti kulya.

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.