Milimo 16:20 - Amazwi Yakwe Leza 2013

²⁰ Lyene yayatwala kuli yakapingula ya milandu a Ciloma, yayanena yati, “Antu ya Ayuda, yakuleta icimvulunganya mu musumba witu.

Milimo 16:20 ပူးပေါင်းရင်းမြစ်များ

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

Mateo 2:3

Lino mwene Helodi wacuvwa, wene pali pamwi na amu Yelusalemu yonsi yasakamikwa.

Milimo 16:19

Lino yakateeka yakwe yamanya vino isyuko lyao lyakupanga ulupiya lyasila, yalema Paulo na Sailasi yayakunkizya ku cilye ca alasi.

Milimo 16:21

Yakusambilizya intambi izitaya mu masunde itu. Swemo sweswe ikazi amu Loma, nupya tutangazumilizya intambi zyao nanti ukuzicita.”

Milimo 18:2

Kuku aya azanako Muyuda wino izina lyakwe a Akwila uwavyalilwe mu Ponto ala wacifuma ku Italya nu muci wakwe Pulisila. Yafumileko lino Kalaudio kateeka waku Loma umile imbila kuti Ayuda yonsi yafume mu Loma. Paulo apita ukuya yalola,

Milimo 19:34

Lelo lino yamanya vino wene u Muyuda, yapundila capamwi icili cimwi pa nsita ziili yati, “Mukulu a Alitemi uwaku Efeso!”

Milimo 28:22

Lelo tungatemwa ukuvwa kunuli pali vino ukwelenganya, pano twamanya ukuti konsi antu yakavwangila kaungwe kano wayamo ui.”

Loma 12:2

Mutakolana na antu amu nsi mu miyele yao, lelo lekini Leza apindulule myenzo inu kuti myelenganyizizye inu iye ipya. Lyene mulaya na maka akumanya kulonda kwakwe Leza, mulamanya vintu visuma pamwi ni vikamuzanzya.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.