Milimo 16:14 - Amazwi Yakwe Leza 2013

¹⁴ Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 16:14 ပူးပေါင်းရင်းမြစ်များ

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Lwimbo lwakwe Solomoni 5:4

Mukundwe wane pali pakwingizya iminwe yakwe pa cipongo ca cisasa. Nani papo kwene umwenzo upwiluka.

Ezaya 50:5

Yawe Simwandalali wankomwile amatwi, ntamusangukile nanti kumufutatila.

Luka 24:45

Lyene akupulula myenzo yao kuti yamanye malembelo.

Yoane 12:20

Pali yao aile ku Yelusalemu ku kupepa Leza pa nsita ya kuzevya Cimulo ca Ucilo, pali Agiliki yamwi.

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 11:21

Amaka ya Mwene yali nao, na antu aingi cuze yataila yaseleukila ku Mwene.

Milimo 13:43

Lino antu ali pa ukongano yasalangana, Ayuda na Akulukuwa aingi asenusi yalondela Paulo na Banaba. Atumwa yavwanga kunoyali nu kuyakomelezya kuti yatwalilile kwemelela mu cikuku cakwe Leza, wino uwali nu luse panoyali.

Milimo 13:50

Lelo intunguluzi zya Ayuda yatunkola anaci Akulukuwa akama apepanga Leza ni nkombe zyamu musumba izicindame.

Milimo 16:40

Paulo na Sailasi yafuma mu ng'anda yaminyololo yaya ku ng'anda yakwe Lidya. Yakomanya aina, yayanena amazwi akuyakomelezya nga yapita.

Milimo 18:7

Caleka afumako ayasya aya aikala mu ng'anda ya muntu umwi Mukulukuwa zina lyakwe a Tito Yusito, uwapepanga Leza. Ing'anda yakwe yali pipi ni ng'anda ya mapepo.

Milimo 8:27

Caleka Filipo akatuka apita. Lyene mutungwi mwina Etiopia, uwali mucindame kangalila wa cipao cakwe Kandake namwene uwaku Etiopia, wali umu nzila ala akuswilila kumwao.

Loma 9:16

Caleka cisi pali cino umuntu akasi nanti cino akaezya kucita, lelo cili pali Leza wino akayela mizu.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.