Milimo 15:13 - Amazwi Yakwe Leza 2013

¹³ Lino yamala kulanda, Yakobo aimilila, avwanga ati, “Uvwini kunondi, mwe inane!

Milimo 15:13 ပူးပေါင်းရင်းမြစ်များ

Mako 15:40

Kwali anaci yamwi katalamukila ala yakulolekesya. Pali yaa, pali Maliya uwaku Magadala, Maliya nyina wakwe Yakobo umwance na Yosefu, na Salome.

Milimo 12:17

Alino Petulo ayasinizya ku makasa yakwe kuti yamyalale, nga ayalondolwela vino Mwene wamufumizye mu ng'anda yaminyololo. Ayanena ati, “Kanenini Yakobo na ina itu yonsi pali vii.” Alino afuma, aya kuze.

Milimo 15:14

Simoni watalondolola vino inkolelo Leza watandike kusolola yamwi mu Akulukuwa kuti yaye antu yakwe.

Milimo 2:14

Alino Petulo akatuka pamwi na atumwa ikumi na wenga. Lyene asanzika izwi avwanga kwi umba ati, “Mwe Ayuda yanji, na mwensi mwe muno mwikala mu Yelusalemu, uvwini kuno vino cii cikusenula.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 2:29

“Inane, lekini munene paswe pamulandu wa cikolwe citu Davidi. Wene wafwile, azikwa, ni lindi lyakwe licilipo pakasi kitu ni lelo kwene.

Milimo 21:18

Uwanda walondelile tupita na Paulo kukulola Yakobo, na aikolo iuvi yonsi apano yali.

Milimo 22:1

“Inane na yatata, uvwini kunondi lino inkuivwangila kunomuli!”

Milimo 7:2

Sitivini aasuka ati, “Inane na yatata, uvwini kunondi! Leza wa lulumbi walolike kuli Abulaamu cikolwe citu, lino wikalanga ku Mesopotamya, ala atali aye ku kwikala ku Halani,

Galatiya 1:19

Ntaweni mutumwa namuze sukasile Yakobo mwina wa Mwene.

Galatiya 2:12

Lino antu yamwi yano Yakobo watumile yatali yafike kuku, Petulo walyanga pamwi na Akulukuwa ataila. Lelo pacisila lino antu yaa yafika, Petulo aoopa yao alondanga kuti Akulukuwa yasilamulwe, nga atukulya na Akulukuwa.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Yakobo 1:19

Mwe inane yakundwe, iusyini cii! Muntu wensi alinzile kuuvwa zuwa, lelo atekele kulanda nu kusoka.