Milimo 13:9 - Amazwi Yakwe Leza 2013

⁹ Lyene Saulo, zina lyuze a Paulo, azuziwa na Mupasi Wamuzilo, alolekesya pa muntu wa malele amunena ati,

Milimo 13:9 ပူးပေါင်းရင်းမြစ်များ

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Mateo 10:20

Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Mako 8:25

Nupya Yesu amulemelela pa manso. Insita iyo kwene umuntu alolekesya, na manso yakwe yapola, lyene alola vyonsi ningo.

Luka 20:17

Yesu ayalolekesya nga ayauzya ati, “Uzye lyene, icalembwa cino cikati, ‘Iwe lino yakakuula yakanyile lyene lyacisilwe iwe lya pitungi lya ng'anda,’ cikasenula uli?

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Milimo 4:8

Petulo azuziwa na Mupasi Wamuzilo, nga aasuka ati, “Mwe ntunguluzi na mwe ikolo,

Milimo 7:55

Lelo Sitivini, uwazuziwe na Mupasi Wamuzilo, alingamila kwiyulu nga alola lulumbi lwakwe Leza, na Yesu ala aimi kwi kasa lilunji lyakwe Leza!