Milimo 13:7 - Amazwi Yakwe Leza 2013

⁷ Muntu wii wali a cuza wakwe Salegio Paulu mulasi wa cilila, umuntu wamano. Mulasi aama Banaba na Saulo pano walondanga ukuvwa izwi lyakwe Leza.

Milimo 13:7 ပူးပေါင်းရင်းမြစ်များ

Mapinda 14:15

Umuntu iciwelewele wene akataila muli vyonsi kwene, lelo uwa mano wene akawaka imipitile yakwe.

Mapinda 14:18

Imbutuma zikapelwa iviine nu welewele waziko, acenjele yene yakapelwa amaka akumanya.

Mapinda 14:8

Amano ya muntu musalapuke yasintilila apa kumanya inzila ya malango, lelo iviwelewele vyene vikatumpokwa pamulandu wa vicitwa vyakwevyo.

Mapinda 18:15

Umwenzo uno wiluka ukalundapo ukusambilila, ni kutwi lya mucenjele likalonda ukutailwa.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Milimo 13:12

Lino mulasi wiya walola icacitika, ataila. Lyene azunguka cuze pa vintu vino yasambilizyanga ivya Mwene.

Milimo 13:8

Lelo Elima, (Elima kuli kuti uwa malele), wene ayalesya ala akwezya ukucicintila mulasi kuti atataila Ilandwe Lisuma.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Milimo 19:38

Ndi Demetiliyo na aomvi yakwe yali nu mulandu pa muntu umwi, twakwata cilye ca milandu, na yakapingula akuno yali, akuno mungatwala mulandu.

1 Tesalonika 5:21

Mwaezya vintu vyonsi, musolole visuma,