Milimo 13:5 - Amazwi Yakwe Leza 2013

⁵ Lino yafika mu musumba wa Salamisi, yakosola ilandwe lyakwe Leza mu mang'anda ya mapepo ya Ayuda. Yali na Yoane Mako kazwa wao.

Milimo 13:5 ပူးပေါင်းရင်းမြစ်များ

1 Yamwene 19:21

Elisya ali pakuswilila kuli yamasaye yakwe, ayafyula nga aeleka ni nyama. Amayoko kwene ayano acita inkwi. Alino atoola inyama zizyo aankanya na antu, iyalya. Alino alondela Eliya, pakuti amwazwilizya kweneko mu milimo yakwe.

1 Yamwene 19:3

Eliya pakuvwa vivyo, intete izimulema nga apuuka pamwi nu muomvi wakwe. Lino wafika ku Belisyeba, umusumba uwamu mpanga yakwe Yuda, asya umuomvi wakwe kweneko.

2 Yamwene 3:11

Umwene Yeosafati ali pakuuzya ati, “Uzye pano, pano tuli pasi kasema umwi angatuuzizya kuli Yawe?” Musika wenga uwamu vita vyakwe Yolamu aasuka ati, “Apano ali. A Elisya umwana wakwe Syafati, awino wazwilizyanga Eliya imilimo.”

Kufuma 24:13

Caleka Mose atenuka pamwi na Yoswa kaazwa wakwe, alino Mose atandika kukwela mwamba wakwe Leza.

Mateo 20:26

Lelo cisi vivyo muli mwemwe. Wino wensi wamuli mwemwe akulonda kuya mukulu, alinzile kuya muomvi wa yauze,

Milimo 12:12

Lino wiluka vintu vii, aya ku ng'anda yakwe Maliya, nyina wakwe Yoane akaamwa ukuti Mako. Antu aingi yakongine kuku ala yakupepa.

Milimo 12:25

Banaba na Saulo yamala incito yao yafuma ku Yelusalemu, yasenda Yoane akaamwa ukuti Mako.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 15:37

Banaba walondanga Yoane Mako kuti yapite nawe,

Milimo 17:17

Caleka Paulo wayanga kung'anda yamapepo kukulanzyanya na Ayuda na Akulukuwa yao apepanga Leza wacumi, nga nu mumasokoni kwene wacitanga cili conga manda onsi kuli yano wazanangako.

Milimo 18:4

Cila Sabata wayanga ku ng'anda ya mapepo ala akwezya kutonsya Ayuda na Agiliki kuti yazumile.

Milimo 19:22

Alino atuma yakazwa yakwe yaili, Timoti na Elasita ku Makedoniya, wene asyala mu muputule wa mpanga ya Asiya pa nsita imwi.

Milimo 19:29

Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Milimo 19:8

Lyene Paulo aya mu ng'anda ya mapepo ya Ayuda, nga pa myezi itatu avwanga ku antu nu kupama ala akwezya na maka ukuyatonsya pamulandu wa Wene wakwe Leza.

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Kolose 4:10

Alisitako ali pamwi nani mu ng'anda yaminyololo. Wene watuma ulau kunomuli, vivyo kwene na Mako, muvyala wakwe Banaba. (Mwemo mwapokelela utunguluzi pali vino mungapokelela Mako ndi cakuti angiza kunomuli.)

2 Timoti 4:11

Suka sile Luka uwasyala nani. Toola Mako mwize nawe kuno, pano wene angangazwilizya mu mulimo.