Milimo 13:43 - Amazwi Yakwe Leza 2013

⁴³ Lino antu ali pa ukongano yasalangana, Ayuda na Akulukuwa aingi asenusi yalondela Paulo na Banaba. Atumwa yavwanga kunoyali nu kuyakomelezya kuti yatwalilile kwemelela mu cikuku cakwe Leza, wino uwali nu luse panoyali.

Milimo 13:43 ပူးပေါင်းရင်းမြစ်များ

Mateo 23:15

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapita ulendo wa pa musili nga na pali yemba, kuti mukalonke umuntu wenga kuti aye mulondezi winu. Lino mwacita vivyo, mukalenga ukuti umuntu wiyo alinge kuya mu Gehena maila yaili kuluta mwemwe.

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 13:50

Lelo intunguluzi zya Ayuda yatunkola anaci Akulukuwa akama apepanga Leza ni nkombe zyamu musumba izicindame.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 14:3

Paulo na Banaba yatenzi kweneko pa nsita ntali, ala aingi yakuvwanga nu kupama pamulandu wa Mwene. Mwene nawe ayapeela maka akucita vinjelengwe ni vizungusyo kuti apeele umboni vino kuvwanga kwao pamulandu wa cikuku cakwe ukwa cumi.

Milimo 16:14

Wenga wamuli yao atuvwile wali a Lidya uwafumile ku Tiatila, kakazya wa nsalu zyakwe cikuwe. Wali umwanaci uwapepanga Leza, nu Mwene wayuzile amano yakwe kuti auvwe kuli vino Paulo wavwanganga.

Milimo 17:17

Caleka Paulo wayanga kung'anda yamapepo kukulanzyanya na Ayuda na Akulukuwa yao apepanga Leza wacumi, nga nu mumasokoni kwene wacitanga cili conga manda onsi kuli yano wazanangako.

Milimo 17:34

Antu yamwi yailundanya kunoli, yataila. Wenga uwa munoyali a Dionisasi, uwali uwamu cilye ca Aleopago. Kwali nu mwanaci uwi zina lyakwe Damalisi, nga na antu yauze.

Milimo 17:4

Yamwi munoyali yataila mazwi yailundanya kuli Paulo na Sailasi, nga ni umba lya Agiliki yano apepanga Leza, na anaci acindame, nao kwene yailundanya kunoyali.

Milimo 18:7

Caleka afumako ayasya aya aikala mu ng'anda ya muntu umwi Mukulukuwa zina lyakwe a Tito Yusito, uwapepanga Leza. Ing'anda yakwe yali pipi ni ng'anda ya mapepo.

Milimo 2:10

ku Fulugiya nu ku Pamfuliya, nu ku Eguputo nga nu mu mpanga ya Libya pipi nu ku Kuleni. Yamwi munotuli aenyi afuma ku Loma,

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 6:5

Lyene mazwi ya atumwa yazipila iumba lyonsi nga yasola Sitivini, umuntu uwali nu utailo ukulu cuze nupya wazuziwemo na Mupasi Wamuzilo. Filipo nga na Polokolasi, Nikana, Timoni, Pamenasi na Nikolasi, umusenusi wafumile ku Antioki

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Loma 3:24

Lelo pamulandu wa wila wa cikuku cakwe Leza, wene akayalenga kuya aololoke kupitila muli Klistu Yesu wino akayalenga kuya antungwa.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Galatiya 5:1

Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.

Galatiya 5:4

Mwe muno mukaezya kucitwa kuya aololoke pa manso yakwe Leza pa kuyela Masunde, mwaipaatula kuli Klistu, nga nu ku cikuku cakwe.

Efeso 2:8

Pano mwatuuzilwe ni cikuku cakwe Leza lino mwataile.

Filipi 3:16

Nanti cingaya vivyo, lekini swemo twaya nkolelo kulingana nu utantiko uno twalondela kufika na ndakai.

Filipi 4:1

Caleka, mwe inane nupya akundwe yane, nkulondesya ku mulola. Endi, lolini vino mukanzanzya, na vino nemo nkaitumika pamulandu winu. Nkumupapata kuti muye azyansye mu Mwene.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Tito 2:11

Pano Leza wasokolola cikuku cakwe ca kutuula antu onsi.

Ayebulai 12:15

Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

1 Petulo 5:12

Siluvano uwangazwilizye kulemba kalata wii, nupya nkuti wene umwina witu uwakutailwa muli Klistu. Nemo nkulonda kumukomelezya nu kupeela umboni uwakuti cikuku cakwe Leza kunomuli ica cumi. Komelekini muno cili.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.