Milimo 13:39 - Amazwi Yakwe Leza 2013

³⁹ Mulinzile kumanya vino wensi uwataila munoli wene alaya uwakaele kufuma ku maifyo yonsi yano masunde yakwe Mose yatange yamukulule.

Milimo 13:39 ပူးပေါင်းရင်းမြစ်များ

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 9:20

Nemo nanti sile ningaya uwakaele, lelo imivwangile yane kwene iliyo ingaya ikansinile ukuti indi nu mulandu. Nanti ningaya uwaula umulandu, imivwangile yane ingampela umulandu.

Masamu 143:2

Utanjika ne muzya wako umu mezyo, pano kutaya nanti wenga apa apuma, uwakaele kunuli.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

Luka 10:25

Lyene umuntu umwi uwali nkonkotela ya Masunde akatuka kuti aezye Yesu. Amuuzya ati, “Kasambilizya, Uzye ncite uli pakuti mpokelele umi wape?”

Luka 10:28

Lyene Yesu ati, “Waasuka ningo. Avino wacita nga ulaya nu umi.”

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Loma 10:10

Pano tukataila mu mwenzo nu kutaka utailo witu. Lyene Leza akatucita kuya aololoke pa manso yakwe, atutuula.

Loma 10:4

Klistu ali kufikilizya kumalilike kwa Masunde yakwe Mose, pakuti wensi uwataila munoli, Leza akamucita kuya mololoke pa manso yakwe.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Loma 3:20

Pano kusi umuntu nanti wenga wino angaya mololoke pa manso yakwe Leza pa kuyela sile Masunde. Mulimo wa Masunde ukulanga vino umuntu wifya.

Loma 4:15

Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 4:24

Yalemvilwe na pali sweswe swensi swe muno Leza amatuzumila kuya aololoke, swe muno twataila Leza wiyo uwazyukwile Yesu Mwene witu kufuma ku afwe.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

Loma 5:20

Masunde yapilwe pakuti antu yalole kuvula kwa maifyo. Lelo kuno maifyo yavula, cikuku cakwe Leza cavulilako kuluta.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Loma 8:1

Ndakai pasi kuvunukwa kuli yano ailundanya kuli Klistu Yesu.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Loma 9:31

Lelo aina Izlaeli yano alondanga kuya aololoke pa manso yakwe Leza mu kuyela Masunde yakwe Mose yene yaposiwe.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Galatiya 2:19

Nafwile ku masunde, pano Masunde a nkoma. Nata kwikalilila mu masunde pakuti mu umi wane onsi naombela Leza. Nemo natanwa pa lupanda pamwi na Yesu.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Galatiya 5:3

Nupya kwene nkusoka umuntu wensi ukuti ndi wazumilizya kuti asilamulwe, ale lyene alinzile kuyela Masunde yonsi.

Ayebulai 10:11

Simapepo wensi Muyuda akaomba milimo yakwe cila wanda nu kupeela impolelwa zili zimwi maila aingi. Lelo impolelwa zii zitangafumya maifyo.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.