Milimo 13:36 - Amazwi Yakwe Leza 2013

³⁶ Pano Davidi wacisile kulonda kwakwe Leza mu manda amu mukulo wakwe, nga lino wafwile yamuzisile pamwi ni vikolwe vyakwe, nu mwili wakwe waozile.

Milimo 13:36 ပူးပေါင်းရင်းမြစ်များ

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

1 Yamwene 2:10

Lyene Davidi afwa nga iyamuzika mu musumba wakwe Davidi.

1 Milandu 11:2

Mu manda yampiti ala na Saulo acili umwene witu, wemo watungulwile antu ku kulwa inkondo nga Yawe Leza wako wakulavile ukuti ulatungulula antu yakwe nu kuya kateeka wao.”

1 Milandu 17:11

Lino waca wafwa nu kuzikwa pamwi ni vikolwe vyako, ndalasika wenga uwamu ana yako kololo pa cilimba ca wene, kuti akupyane. Nupya ndakomya uwene wakwe.

1 Milandu 18:14

Davidi ateeka mu mpanga yonsi ya ina Izlaeli, ala akucitila antu yakwe yonsi ivisuma ni vyawololoke.

1 Milandu 29:28

Davidi afwa ala umukombe wa myaka ivule. Watenzi amanda nyanya pano nsi, nupya wakweti icuma nyanya nu mucinzi ukulu.

2 Milandu 12:16

Leoboamu afwa, nga yamuzika mu musumba wakwe Davidi ku nzisi ya vikolwe vyakwe. Alino Abiya umwana wakwe umonsi amupyana pa cilimba ca wene.

2 Milandu 21:1

Lyene umwene Yeosafati afwa, nga yamuzika mu musumba wakwe Davidi ku nzisi ya vikolwe vyakwe. Alino Yolamu umwana wakwe umonsi amupyana apa wene.

2 Milandu 26:23

Lyene Uziya afwa nga yamuzika pipi ni nzisi ya vikolwe vyakwe uku nzisi yakwe yamwene, pasi pano antu alanga yakuti, “Wene uwakwe tembwe.” Alino Yotamu umwana wakwe umonsi amupyana pa cilimba ca wene.

2 Milandu 9:31

Lyene umwene Solomoni afwa, nga yamuzika mwi lindi mu musumba wakwe Davidi isi. Alino Leoboamu umwana wakwe umonsi amupyana pa cilimba ca wene.

Yobo 17:14

Alino nu kunena imbiko inti, ‘Wewe uli tata.’ Nu kunena ingonyo inti, ‘Mwemwe muli mayo, nupya mwemwe muli yakazi kane.’

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.

Masamu 49:14

Ala yene intipu zyao, izya kufwa wa mfwele umu citata. Nupya imfwa kwene, ali mucemi wao, na antu alungame ali yano yakayateeka. Lino ulaca ucindami wao ulongoloka, ni cifulo cao, umwi lindi.

Masamu 49:9

pakumulipilila ukukanaya ukwi lindi, nu kuleka aikalilile pano nsi, umupuma.

Mateo 25:16

Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano.

Yoane 11:39

Yesu anena antu ali penepo ati, “Sisyinipo iwe.” Mata kaci wa mufwe amunena ati, “Mwene, ndakai tumanunkilwa pano pati papita manda yani kufuma lino yamuzisile.”

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

Milimo 2:29

“Inane, lekini munene paswe pamulandu wa cikolwe citu Davidi. Wene wafwile, azikwa, ni lindi lyakwe licilipo pakasi kitu ni lelo kwene.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 7:60

Alino afukama pansi asazinka izwi likulu ati, “Mwene! Utayapeela mulandu pi ifyo lii.” Walanga wavwanga vii, afwa.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

1 Kolinto 15:18

Nupya ale yao afwa ataile muli Klistu, yalowa.

1 Kolinto 15:6

Alino nupya aloleka ku alondezi yakwe yonsi pamwi kuluta impendwa kulingana myanda isano. Aingi pali yaa yacili aumi, nanti angala yamwi munoyali yafwa.

1 Tesalonika 4:13

Mwe ina itu, tukulonda kuti mumanye cumi pamulandu wakwe yao afwa, kuti mutaya nu ulanda, wa antu asi nu upaalilo.