Milimo 13:23 - Amazwi Yakwe Leza 2013

²³ Leza walavile ukuti mu luko lwakwe Davidi amuno mulafuma Yesu, kuti aye Katuula wa ina Izlaeli.

Milimo 13:23 ပူးပေါင်းရင်းမြစ်များ

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Ezaya 11:10

Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.

Ezaya 43:11

Nene indi Yawe, nga kutaya Katuula namuze alusile nene.

Ezaya 45:21

Ndanji kuno mwize mulondolole umwi tengo. Yano yamaikanila kayapandane amano tuvwe! Uzye apa mpiti aweni uwasowile ivintu vii, nu kuvilondolwelapo calimwi? Uzye asi nene kwene ne Yawe? Ala kutaya Leza namuze, Leza akacita vyaololoke nupya a Katuula. Kutaya namuze, suka nenga mpo.

Ezaya 7:13

Lyene Ezaya avwanga ati, “Uvwa kuno, we mwizikulu wakwe Davidi! Wemo wamanya mpiti ukuti ukucuzya antu icintu cimwi iciipe sana. Ale lyene icani fwandi cino wemo ukulonda ukucuzya nu Mwene Leza wane kwene?

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Mateo 22:42

“Uzye mukwelenganya uli pali Katuula uwalavilwe? Uzye wene amwana weni?” Nao yaasuka yati, “Umwana wakwe Davidi.”

Luka 1:69

Watapela kunotuli Katuula wa maka, uwamu luko lwakwe Davidi.

Yoane 4:42

Lyene yanena umwanaci yati, “Ndakai twataila, pasi pa mazwi yano wali wavwanga, lelo pano sweisikulu twati tuyuvwila kunoli, nupya twati tumanya vino wi kwene ali Katuula wa amu nsi.”

Yoane 7:42

Uzye malembelo yatati Katuula alafuma mu mupanda wakwe Davidi, mu Betelemu, musumba muno Davidi wikalanga?”

Milimo 13:32

Acino tuli kuno ku kuleta Ilandwe Lisuma kunomuli.

Milimo 2:30

Wali akasema nupya wamanyile na cino Leza wamulavile. Leza walavile nu mulapo ukuti alimika umwi uwamu mupanda wakwe ukuya mwene, ndi vino Davidi wali.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Milimo 4:12

Kusi umuntu nanti wenga muno antu yangazana ufyusi, pano muno nsi yonsi kusi zina na lyuze lino Leza wapela kunotuli lyakuti tutuulilwemo.”

Loma 1:3

Lyene ilya pali Yesu Klistu Mwene witu, Mwana wakwe Leza! Muli u muntu wakwe, wene wavilwe mu mupanda wakwe Davidi.

Loma 11:26

Vii, ali vino aina Izlaeli yalatuulwa. Ndi vino calembwa mu malembelo cati, “Katuula alafuma mu Zioni nu kusisya ukakasi onsi kufuma pa vizikulula vyakwe Yakobo.

Tito 1:4

Nkulembela we Tito. Wemo ukoline wa mwanane inkonko, pano wewe nani twaya mu utailo onga. Cikuku nu mutende vifume kuli Leza Tata na Klistu Yesu Katuula witu viye kunuli.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

2 Petulo 2:20

Lino antu yasambilile pali Yesu Klistu, Mwene nupya Katuula witu, yene yatuuzilwe ku vintu vikowele ivyamu nsi. Lelo nupya ndi yalemwa nu kutungululwa ni vintu vii ivya winyi, ale lyene yali mu mwata uwipisye kuluta vino yali nkolelo.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

1 Yoane 4:14

Naswe twati tulola, nupya tukupeela umboni vino watumile Mwana wakwe kuti aye ali Katuula wa antu amu nsi.

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”