Milimo 13:21 - Amazwi Yakwe Leza 2013

²¹ “Lyene lino yuzya ukuti yakwate Mwene, Leza ayapeela Saulo, mwana wakwe Kisi, uwamu luko lwakwe Benjamini, kuti aye umwene wao pa myaka makumi yani.

Milimo 13:21 ပူးပေါင်းရင်းမြစ်များ

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 11:15

Acino yonsi kwene iyaya ku Giligali, nga kuku kwene pa manso yakwe Yawe iyazengela uwene wakwe Saulo. Kuku kwene akuno yaile yapeela impolelwa izyacuvwano pa manso yakwe Yawe, nga Saulo na ina Izlaeli yonsi iyazevya uwanda uwo wakwe cimwi.

1 Samueli 15:1

1 Samueli anena Saulo ati, “Nene indi muntu wino Yawe watatuma kuti nize nkupake amafuta nu kukulasika uwene wa ina Izlaeli. Acili cino fwandi utezye amazwi yakwe Yawe.

1 Samueli 8:5

Intunguluzi zizi ziya zimunena ziti, “Lola, wemo watukota, alino na ana yako yasikulondela intampulo zyako. Solola umwene uwakuti atutungulula, wakwe vino aingi amu mpanga zyuze yakweti.”

1 Samueli 9:1

Kwali umuntu umwi umukama uwamanyikwe sana. Izina lyakwe wali a Kisyi umwana wakwe Abiyeli, umwana wakwe Zeloli, umwana wakwe Bekolati, umwana wakwe Afiya uwaku mpanga yakwe Benjamini.

1 Samueli 9:15

Fwandi uwanda uwalondelilepo lino Saulo atali afike, Yawe asokolwela Samueli icintu ci ati,