Milimo 13:20 - Amazwi Yakwe Leza 2013

²⁰ Casenzile namanye imyaka myanda ini na makumi yasano lino vii vyonsi vyacitike. Pacisila, ayapeela yakapingula ya milandu, kufika na pa nsita yakwe kasema Samueli.

Milimo 13:20 ပူးပေါင်းရင်းမြစ်များ

2 Samueli 7:11

mu manda yalya yano nasonsile intunguluzi zyakuti zyatungulula antu yane aina Izlaeli. Ndayatuula ku anisi yao yonsi nu kukuzya uluko lwako. Anene ne Yawe nalanda kunuli ukuti ndacita vivyo.

2 Yamwene 23:22

Kutatazile ikuya ukuzevya ukwa musango uu ukwa Cimulo ca Ucilo mu manda yakwe yakapingula atesile umu Izlaeli, nanti umu manda yonsi yakwe yamwene amu Izlaeli nanti amu Yuda kwene.

1 Milandu 17:6

Nemo nkapita pamwi na ina Izlaeli yonsi konsi kuno nkaya, lelo ntatala nuzya intunguluzi zino nasonta umulandu uno zitankuulila Ng'anda ikulu iyakuulilwa ni miti ya mikelide.’ ”

Milimo 3:24

Endi na yakasema onsi, kutandika pali Samueli na yonsi alondelile yasemile ivikucitika manda yaa.

Yakapingula 2:16

Alino lyene Yawe ayapeela intunguluzi izyakuti zyayataasya lino yazanzwa na azanzi yalya.

Yakapingula 3:10

Umupasi wakwe Yawe iwikila panoli, nga nawe aya intunguluzi ya ina Izlaeli. Otinieli aya ku kulwa inkondo, nga Yawe aleka acimvya Kusyani Lisyataimu, umwene waku Mesopotamya.

Luti 1:1

Pa nsita imwi lino aina Izlaeli yatekwangwa na yakapingula, mu mpanga ilya mwaponyile cipowe. Acino umuntu umwi uwaku Betelemu umu mpanga yakwe Yuda, pali pamwi nu muci na ana yakwe yaili aonsi, aya mu kwikala umu mpanga ya Moabu pa nsita imwi pamwi nu muci wakwe na ana yakwe yaili aonsi.

1 Samueli 12:11

Alino Yawe atuma Yelubaali, na Balaki, na Yefuta, na Samueli, nga amutuula ku makasa ya anisi inu, nga namwe imwikala mu mutende.

1 Samueli 3:20

Ukutandikila sile ku mpanga iya ina Dani ukufika nu ku Belisyeba, aina Izlaeli yonsi yamanya ukuti umucumi Samueli a kasema wakwe Yawe.