Milimo 13:19 - Amazwi Yakwe Leza 2013

¹⁹ Alino aonona mitundu cinimbali ya antu amu mpanga ya Kenani, nga apeela mpanga yao ku ina Izlaeli kuti iye iyakwao.

Milimo 13:19 ပူးပေါင်းရင်းမြစ်များ

Utandiko 12:5

Abulamu asenda Salai umuci wakwe, na Loti umwana wa mwina, nga yasenda ni vyuma, na azya, na vyonsi vino alanga walonka mu Halani. Alino iyatenuka iyaya ku mpanga ya Kenani. Lino yafika ku Kenani,

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

1 Yamwene 6:1

Pacisila ca myaka imyanda ini na cinani lino aina Izlaeli yafumile mu Eguputo, mu mwaka wakwe cini lino Solomoni wateekanga umu Izlaeli, umu mwezi uwa Zivu, Solomoni atandika uku kuula Ng'anda ikulu yakwe Yawe.

Neemiya 9:24

Fwandi ali vino ana yano yingile mwenemo yaipoka nu kuipoka. Yazanzile aina Kenani mpaka yazuka yaya zii, kumwi na yamwene ya mwenemo na antu yao, yayanyata yacita na vino yakulonda kunoyali.

Masamu 135:11

ali wakwe Siooni, umwene wa ina Amoli, na Ogi umwene waku Basyani, nga na yamwene yonsi aku Kenani.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Ezaya 34:17

Yawe aliwe amavyankanya impanga pano viyelile, nu kupeela conga conga iciputulwa cakweco. Ili mpanga ino ilaya iyaupyanyi, iyakwikalila mwenemo ukufika sile nu kukusila kwa nsi.

Milimo 7:45

Lyene pacisila vikolwe visya itaalu ku ana yakwevyo, nga nao yalisenda lino yapisile na Yoswa nu kupoka mpanga ya inamasi yano Leza wazinzile pa manso yao. Nalyo lyali papa kwene kufika na pa nsita yakwe Davidi.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Yoswa 14:1

Zii zili mpanga zino aina Izlaeli yapilwe mu Kenani, zizyo zino simapepo Eleaza na Yoswa umwana umonsi wakwe Nuni pamwi ni ntunguluzi zya nko zya mitundu ya ina Izlaeli yankinye kunoyali.

Yoswa 18:10

Yoswa ayapendolwela mu Syilo pa manso yakwe Yawe. Alino aankanya aina Izlaeli impanga ukulingana ni mendela zya mitundu yao.

Yoswa 19:51

Vii, vili vipitulwa vya mpanga vino simapepo Eleaza, na Yoswa umwana umonsi wakwe Nuni nga ni ntunguluzi zya nko zya mitundu ya ina Izlaeli yankinye ukupitila mu kupendola ku Syilo pa manso yakwe Yawe pa mulyango wi Taalu lya Ukongano. Vivyo avili vino yamalilile ukwankanya impanga ilya.

Yoswa 23:4

Iusyini vino napeezile impanga yao yonsi ku mitundu inu kuti iye icaupyanyi, impanga ya antu yonsi yano nacimvya ni ya antu yonsi yano yasyala pakasi ka Luzi lwa Yodani nga na Yemba wa Adiliya lwaku ufumondaka.

Yoswa 24:11

Alino mwalamvile Luzi lwa Yodani imwiza ku Yeliko. Aikazi amu Yeliko nayo iyamulwisya, wakwe vino aina Amoli, aina Pelizi, aina Kenani, aina Hiti, aina Giligasi, aina Hivi na ina Yebusi yacisile. Lelo nayapile mu makasa inu.

Yakapingula 11:26

Pa myaka imyanda amakumi yatatu aina Izlaeli yatenzi mu Hesyiboni, nu mu Aloeli ni mizi yakweo, nga nu mu misumba yonsi pipi nu ku Alinoni. Uzye lyene pacani cino mutaposile incende zizi lilya kwene?