Milimo 12:6 - Amazwi Yakwe Leza 2013

⁶ Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.

Milimo 12:6 ပူးပေါင်းရင်းမြစ်များ

Utandiko 22:14

Abulaamu atemela cifulo cici izina ati, “Kapeela a Yawe.” Caleka kufika na pilelo kwene antu yakati, “Pa mwamba wakwe Yawe apano cilapelwa.”

Masamu 4:8

Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Yelemiya 40:4

Lelo wemo Yelemiya, ilelo namakusapula iminyololo uku makasa yako. Ndi cakuti ukulonda ukulondela uku Babiloni, tuye twapita nani ndakusunga sile ningo. Lelo ndi cakuti usikulonda ukulondela, usyale. Tala lola sile, impanga yonsi ili sile apa mulola wako, ungaya konsi kuno watemwa.

Mateo 28:4

Yakalinda yuvwa intete, yazakaza nu kufwa mutombo.

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Milimo 21:33

Lyene musika mukalamba aya kuli Paulo, amulema, nga apeela ilamulo kuti yamunyepe mu minyololo iili. Lyene auzya ati, “Uzye umuntu wii, aweni, nupya icani cino watacita?”

Milimo 28:20

Acino nali nuzya kuti tulolane nga tulande namwe. Pano nati nyepwa mu minyololo pamulandu wakwe wiyo wino aina Izlaeli yakupaalila!”

Milimo 5:23

“Twazana ng'anda yaminyololo itiyalwa ningo, na yakalinda yaimi pipi ni visasa. Lelo lino twali twayula tutazanyile umuntu nanti umwi mukasi.”

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Malango 32:26

Yonsi pyu ngani nayalovya, pakuti kutakaye nanti umwi uwa kuiusya.

2 Timoti 1:16

Mwene aye na mizu ku amu ng'anda yakwe Onesifolasi, pano wene wansansamusyanga maila aingi. Wene atali ni nsonyi pamulandu wakuti nemo nali mu ng'anda yaminyololo.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”