Milimo 12:4 - Amazwi Yakwe Leza 2013

⁴ Lino yalema Petulo, yamuyalila mu ng'anda yaminyololo yaleka kuti mpuka zini zya asilika yani yani zyamulinda. Helodi walondanga kuti akize akamulete ku antu lino cimulo casila.

Milimo 12:4 ပူးပေါင်းရင်းမြစ်များ

Esita 3:13

Alino yakapaso nayo iyasimuzya zuwa ivikalata vivyo nu kuvisalanganyizizya umu vitungu vyonsi pyu! Mwali amazwi akuti, “Apa wanda sile uli umwi kwene, uwanda walenga ikumi na yatatu umu mwezi uwalenga ikumi na iili, wakwe Adali, ali wanda uno yali nu kukoma Ayuda yonsi nu kuyalovya. Ukutandikila apa mwance ukufika na pa mukote, yamangu nu twana tunono, yonsi yali nu kukomwa. Yali nu kufwa ukwaula uluse alino nu kusampwa ivyuma vyao.”

Kufuma 12:1

Lyene Yawe avwanga kuli Mose na Aaloni mu Eguputo ati,

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Mapinda 27:1

Utaezya ukuitakizya apavya wanda wa mutondo, pano utamanyile vino uwanda uwo ulaca.

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Mateo 24:9

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane.

Mateo 26:5

Lelo yavwanga yati, “Tutalinzile kucita cii pa wanda wa kuzevya Cimulo ca Ucilo, pano antu yangacita mpanzela.”

Mako 14:1

Kwasile manda yaili kufika pa wanda wa kuzevya Cimulo ca Ucilo nga ni Cimulo ca Mukate usi na Citutumusi. Yasimapepo akalamba na yakasambilizya ya Masunde yalondanga inzila yakuti yalemelemo Yesu munkama nu kumukoma.

Luka 21:12

Lelo lino vintu vii vyonsi vitali vicitike, yalamulema nu kumuzunya. Yalamupeela ku ntunguluzi zyamu mang'anda ya mapepo nu kumuyalila mu mang'anda yaminyololo. Yalamuleta nkolelo yakwe yakateeka ni ntunguluzi pamulandu wane.

Luka 22:33

Lelo Petulo avwanga ati, “Mwene, indi umuiteyanye ukuya ku ng'anda yaminyololo nu kufwa pamwi nawe.”

Yoane 19:23

Lino asilika yatana Yesu pa lupanda yatoola vizwalo vyakwe yankanya pani, nga cila musilika atoola cino yamwankinye. Yatozile nu mwingila wakwe kwene, uno wapanzilwe kwaula mulundo.

Yoane 21:18

Cumi nakunena, vino wemo lino wali mulumendo wainyepanga musipi nu kuya kuno ukasi. Lelo lino ulakota, ulololola makasa yako nga umuntu muze alakunyepa nu kukusenda kuno utakasi kuya.”

Milimo 12:3

Lino walola vino cazanzya Ayuda, atwalilila, kuti yaleme Petulo. (Cii cacitike pa nsita ya Cimulo ca Mukate usi na citutumusi.)

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Milimo 4:3

Caleka yayalema yayayalila mu ng'anda yaminyololo kufika katondo, pano cali amanguzi lino ilanzi lyatemba.

Milimo 5:18

Lyene yalema atumwa yayayalila mu ng'anda yaminyololo.

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.