Milimo 12:23 - Amazwi Yakwe Leza 2013

²³ Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Milimo 12:23 ပူးပေါင်းရင်းမြစ်များ

2 Yamwene 19:35

Uwanda kwene uwo, umu nsita ya usiku, umungeli wakwe Yawe aya mu nsakwe zya ina Asilya, nga akoma ivita amazimbi umwanda onga na makumi cinani na yasano. Lino waca akatondo antu iyalola kuno ivyala vyati visankawala monsi monsi!

2 Milandu 32:21

Yawe nawe ali pakutuma umungeli, uwakomozile asilika mu nkambi ya ina Asilya. Fwandi ali vino umwene waswilile uku Asilya ala ni nkopyo zyatizilambalala uku nsonyi. Uwanda umwi ala ali umu ng'anda ikulu yakwe leza wakwe, ana yakwe yamwi yano waivyalile umwisikulu, ali yano yamutotozile na masumo, afwa nu kufwa.

Yobo 19:26

Nanti ningasila insyale amafupa yatupu, namanya ukuti lino ndakatuka wene alampalamika kunoli. Alino lyene ndalola Leza nu mwili wane kwene.

Yobo 7:5

Umwili wane uzile ingonyo zitupu, wene usapatuke uku mamba wakwe cimwi. Alino ufila wene ukuzwa umu vilonda.

Masamu 115:1

Awewe sile wenga, we Yawe, ala awewe wenga sile. Wewe sile ulinzile ukucindikwa, asi sweswe foo. Wewe sile ulinzile ukucindikwa apa luse lwako ulwa pee na paufuma cumi wako.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Kufuma 12:23

Lino Yawe alasalala mu mpanga ya Eguputo kulenga kuti aina Eguputo yafwe, alalola uwazi ku meema na pali pungwe wa ng'anda inu. Cii cilalenga kuti Yawe atazumilizya mungeli mononyi kuti aingile mu mang'anda inu ku kulenga kuti mufwe.

Kufuma 12:29

Usiku pakasi Yawe alenga kuti ana mayeli yonsi aonsi amu Eguputo yafwe. Kutandikila ku mwana umonsi iyeli lyakwe Falao, wino wali nu kupyana cilimba ca wene, kufika nu ku mwana umonsi iyeli lya munyepwe wino ali mu ng'anda yaminyololo. Nga na ana mayeli a nyama nayo kwene alenga kuti yakomwe.

Kufuma 9:17

Nomba wemo ucili nu munyambo pa antu yane pakukana yata kuti yapite.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.

Ezaya 14:11

Ucindami wako lyene watiusumbilwa kuzimo, apali ponga nu kulila ukwa mazeze yako. Umusanzi wako lyene ingonyo, ni vyakuvimbala vyako navyo uonyi.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Ezaya 51:8

Pano akazizi kalayalya wa nsalu, kalalya ungati amavumbu ya mfwele. Lelo ulungami wane wene ulaelelela pee nu ufyusi wane umwalondenkanila inkulo.”

Ezaya 66:24

Apa kufuma mu Zioni, yalasyala yailolele yonga ivyala vya antu yano yantalamila. Ingonyo zino zilayalya zitalatala zifwe foo, nu moto usyazimiwa. Antu yonsi apakuyalolekesya yalazunguka.”

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Ezekelo 28:9

Uzye lyene ulasya uvwange ukuti wewe kaleza apa manso yakwe yayo alakukoma? Awe, wemo ulaloleka wa muntu, lino ulaya mu makasa yakwe yayo alakukoma, lelo asi wakwe kaleza foo.

Milimo 12:22

Lyene antu yasanzika mazwi yati, “Asi umuntu akuvwanga, lelo a Leza!”

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

1 Samueli 25:38

Lino papita manye amanda ikumi, Yawe afulula Nabali nga afwa.