Milimo 12:2 - Amazwi Yakwe Leza 2013

² Caleka yakoma Yakobo mwina wakwe Yoane nu lupanga.

Milimo 12:2 ပူးပေါင်းရင်းမြစ်များ

1 Yamwene 19:1

Alino umwene Aabu anena Yezebele vyonsi pyu vino Eliya wacisile, kumwi navino wakomile yakasema yakwe Baali yonsi pyu ku lupanga.

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

Yelemiya 26:23

Yaya yawezya Uliya ku Eguputo, yamutwala nu ku mwene Yeoyakimu, awino wizile wamukoma ku lupanga nu kusumbila icala cakwe ku malindi ya antu yonsi.

Mateo 20:23

Yesu nawe ayanena ati, “Icacumi mungamwa mu lwako lwane. Lelo ntakweti nsambu yakusolola wino angikala kwi kasa lilunji nanti kwi mani lyane. Tata alapeela vifulo vii kuli yano wateyanyizizya.”

Mako 10:35

Lyene Yakobo na Yoane, ana yakwe Zebedi, iiza kuli Yesu, yamunena yati, “Kasambilizya, tukulenga kuti utucitileko cintu cimwi.”

Mako 10:38

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno indi nu kumwelamo? Uzye mungawatiziwa umu nzila ino ndinzile kuwatiziwilwamo?”

Mako 10:39

Nao yaasuka yati, “Tungacita.” Yesu ayanena ati, “Icacumi mungamwa mu lwako luno indi nu kumwelamo nu kuwatiziwa umu nzila ino indi nu kuwatiziwilamo.

Milimo 12:1

Pa kasita kwene kaka, umwene Helodi atandika kuzunya yamwi amwi uvi.

Ayebulai 11:37

Yamwi yatamilwe na mawe, yamwi nao mili yao yaputwilwe pakasi na mukalalu, nga yamwi nao yakomwa ku lupanga. Yene yapitananga ala yazwite vizwalo vyapanzilwe ku mpapa zya mfwele nanti zya mbuzi. Yali apina, yazunyiwe nu kucuziwa cuze.