Milimo 12:12 - Amazwi Yakwe Leza 2013

¹² Lino wiluka vintu vii, aya ku ng'anda yakwe Maliya, nyina wakwe Yoane akaamwa ukuti Mako. Antu aingi yakongine kuku ala yakupepa.

Milimo 12:12 ပူးပေါင်းရင်းမြစ်များ

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Milimo 12:25

Banaba na Saulo yamala incito yao yafuma ku Yelusalemu, yasenda Yoane akaamwa ukuti Mako.

Milimo 12:5

Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Milimo 13:13

Paulo pamwi na auze yapatama mu wato yafuma ku Pafosi, yaya ku Pelige, mu Pamfuliya. Lelo Yoane Mako ayasya kuku, aswilila ku Yelusalemu.

Milimo 13:5

Lino yafika mu musumba wa Salamisi, yakosola ilandwe lyakwe Leza mu mang'anda ya mapepo ya Ayuda. Yali na Yoane Mako kazwa wao.

Milimo 16:40

Paulo na Sailasi yafuma mu ng'anda yaminyololo yaya ku ng'anda yakwe Lidya. Yakomanya aina, yayanena amazwi akuyakomelezya nga yapita.

Milimo 4:23

Lilyo kwene lino yasapulwa, Petulo na Yoane yaswilila kwi umba lya alondezi, yayalandila na vyonsi vino ya Simapepo akalamba na ikolo yayanenyile.

Kolose 4:10

Alisitako ali pamwi nani mu ng'anda yaminyololo. Wene watuma ulau kunomuli, vivyo kwene na Mako, muvyala wakwe Banaba. (Mwemo mwapokelela utunguluzi pali vino mungapokelela Mako ndi cakuti angiza kunomuli.)

2 Timoti 4:11

Suka sile Luka uwasyala nani. Toola Mako mwize nawe kuno, pano wene angangazwilizya mu mulimo.

Filimoni 1:24

Aomvi yanji, Mako, Alisitako, Demasi, na Luka yamulamuka.

1 Petulo 5:13

Auzo amwi uvi lyaku Babiloni yano Leza wasolola, yamulamuka. Na Mako kwene, wino ali mwana kunondi, wamulamuka.