Milimo 11:26 - Amazwi Yakwe Leza 2013

²⁶ Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 11:26 ပူးပေါင်းရင်းမြစ်များ

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Yoane 2:2

na Yesu pamwi na alondezi yakwe yaamilwe ku winga.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 11:22

Impwelo pali cii yafisile nu kwi iuvi lyaku Yelusalemu, caleka yatumile Banaba ku Antioki.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 14:20

Lelo lino ataila iiza yamuunganila, Paulo akatuka aswilila mu musumba. Uwanda walondelela wene pamwi na Banaba yafumako yaya ku Debe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Milimo 14:28

Alino oili iikala na ataile pa manda aingi.

Milimo 18:27

Lino Apolo watemwa kuya ku Akaya, aina amu Efeso yamukomelezya yalemba na kalata ku ina aku Akaya, yayanena kuti yakamuzengele. Lino wafisileko, wali akazwa mukalamba kuli yano ataile Klistu kupitila mu cikuku cakwe Leza.

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 20:1

Walanga mpanzela yasila, Paulo aama alondezi ayakomelezya, nga ayapakasya, apita aya ku Makedoniya.

Milimo 20:30

Insita iliza lino antu yamwi kufuma umwi umba linu yalatumpoka nu kupuulula ataile.

Milimo 21:4

Tulonda, tuzanako aina Klistu yamwi, nga twikala nao mulungu onga. Nao Mupasi Wamuzilo ayanena kusoka Paulo kuti atakaye ku Yelusalemu.

Milimo 26:28

Agilipa auzya Paulo ati, “Uzye ukwelenganya ungampindulula kuti inje mwina Klistu mu kasita kwene kaa kanono?”

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Milimo 6:5

Lyene mazwi ya atumwa yazipila iumba lyonsi nga yasola Sitivini, umuntu uwali nu utailo ukulu cuze nupya wazuziwemo na Mupasi Wamuzilo. Filipo nga na Polokolasi, Nikana, Timoni, Pamenasi na Nikolasi, umusenusi wafumile ku Antioki

Milimo 9:19

Pacisila lino walya cakulya, maka yawela munoli. Saulo watenzi na alondezi amanda yanono mu Damasiko.

Milimo 9:38

Ku Yopa kutaali ukutali kufuma ku Lida, nga alino alondezi ali mu Yopa yuvwa ukuti Petulo ali mu Lida, yatuma aonsi yaili na mazwi yakuti, “Twapapata, pitisya iza kuno.”

1 Kolinto 11:18

Nkolelo, nanenwa ukuti mukweti maumba akucita kupaatukana mu kukongana kwinu. Nupya ninsininkizya ukuti vimwi vino nuvwa ivya cumi.

1 Kolinto 12:12

Klistu akoline wa mwili onga uno ukweti vilundwa vingi. Nanti angala wapangwa ku vilundwa vipusane vingi, wene mwili onga sile.

1 Kolinto 14:23

Lyene ndi iuvi lyonsi lyakongana pamwi nga yonsi kwene yatandika kulanda mu ndimi zitamanyika, alino antu yamwi asi amwi uvi nanti yamwi atataila iiza munomuli, uzye yatangalanda ukuti mwensi kwene mwati mupena?

1 Kolinto 4:17

Uli mulandu uno nkutuma Timoti kunomuli. Nemo namutemwa wa mwana, nupya wene umuomvi mutailwe wa Mwene. Wene alamwiusya vintu vino nkacita mu kulondela Klistu, vino vitapusana kuli vino nkasambilizya mu mauvi yonsi.

Efeso 3:15

Viumbwa vyonsi vya mwiyulu na pano nsi vikapelwa umi kufuma kuli aliwe.

Yakobo 2:7

Yakwene alio akalandila zina lisuma viipe, zina lya Mwene winu.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

1 Petulo 4:16

Nanti cingaya vivyo, ndi mwacula pamulandu wakuti mwemwe ina Klistu, mutuvwa insonyi. Lelo taizyini Leza pano mwemwe yakwe Klistu.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.