Milimo 11:22 - Amazwi Yakwe Leza 2013

²² Impwelo pali cii yafisile nu kwi iuvi lyaku Yelusalemu, caleka yatumile Banaba ku Antioki.

Milimo 11:22 ပူးပေါင်းရင်းမြစ်များ

Milimo 11:1

Atumwa pamwi na ataile yano ali mu Yudeya yuvwa ukuti na Akulukuwa kwene yati yapokelela izwi lyakwe Leza.

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 11:20

Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu.

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

Milimo 15:22

Lyene atumwa na aikolo, pali pamwi ni iuvi lyonsi yelenganya kusolola aomvi yamwi kufuma mwi umba nu kuyatuma ku Antioki pamwi na Paulo na Banaba. Lyene yasola Yuda, wino yamanga Basabasi nga na Sailasi, antu yaa oili yano acindikwe cuze mu ina.

Milimo 18:22

Lino wafika ku Kesaliya, aya ku Yelusalemu ku kulamuka iuvi, nga pacisila aya ku Antioki.

Milimo 6:5

Lyene mazwi ya atumwa yazipila iumba lyonsi nga yasola Sitivini, umuntu uwali nu utailo ukulu cuze nupya wazuziwemo na Mupasi Wamuzilo. Filipo nga na Polokolasi, Nikana, Timoni, Pamenasi na Nikolasi, umusenusi wafumile ku Antioki

Milimo 8:14

Atumwa amu Yelusalemu yuvwa ukuti antu amu Samaliya yapokelela izwi lyakwe Leza. Caleka yatuma Petulo na Yoane kunoyali.

Milimo 9:27

Lyene Banaba amutola, amusenda ku atumwa nga ayalondolwela vino Saulo waweni Mwene mu nzila, vino Mwene wamuvwanzizye, na vino mu Damasiko wali umupame pa kukosola mwi zina lyakwe Yesu.

Galatiya 2:11

Lelo lino Petulo wizile ku Antioki, nemo namukalipile pa manso ukuti wene waluvyanya.

1 Tesalonika 3:6

Ndakai Timoti wataweluluka, nupya watatunena vya pa utailo winu nu kutemwa kwinu. Wene watunenyile ukuti mwemo lyonsi mukatwelenganya ningo nga nu kuti mukalondesya kutulola, wakwe vino naswe tukalondesya kumulola.