Milimo 11:17 - Amazwi Yakwe Leza 2013

¹⁷ Cintu cii cili paswe, cino Leza wapile Akulukuwa uwila uli umwi na uno wapile kunotuli lino twataile mu Mwene Yesu Klistu. Caleka, nali nene weni wakuti nkanye Leza!”

Milimo 11:17 ပူးပေါင်းရင်းမြစ်များ

Yobo 33:13

Uzye pacani cino ukunenolela Leza, apakukana kwasuka?

Yobo 40:2

“Uzye ukulonda ukuti uwampazya nene ne Leza Wamaka yonsi vwile? Uzye watukwata ivya kunjasuka ne Leza nanti foo?”

Danieli 4:35

Wene akalola antu amu nsi ukuti asilesile. Angeli umwiyulu nga na antu umu nsi yali mu makasa yakwe. Kusi umwi angalesya ukulonda kwakwe, nanti amuzye ati, ‘Uzye cani cino wacita?’

Milimo 10:45

Ayuda yano ataila, aizile na Petulo kufuma ku Yopa yazunguka pa kulola vino na Akulukuwa kwene yapokelela uwila wa Mupasi Wamuzilo.

Milimo 10:47

“Antu yaa yati yapokelela Mupasi Wamuzilo, wakwe vino naswe twapokelile. Uzye kungaya umwi angayalesya kuti yawatiziwe na manzi?”

Milimo 11:15

Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika.

Milimo 5:39

Lelo ndi lyafuma kuli Leza, ale lyene mutangayacimvya, limwi mungazanwa vino mukulwisya Leza!” Alino amwi Tengo yazumila mazwi yakwe Gamalieli.