Milimo 10:4 - Amazwi Yakwe Leza 2013

⁴ Nawe alolekesya mungeli, auvwa intete amunena ati, “Musambazi kuli cii?” Mungeli aasuka ati, “Leza watazangila mu mapepo yako nga nu wila uno ukapeela ku apina.

Milimo 10:4 ပူးပေါင်းရင်းမြစ်များ

2 Milandu 32:24

Umu manda yalya Hezekiya walwile apipi ni mfwa. Ali pakupepa kuli Yawe, nawe amuvwa nga amupeela ni cimanyililo cakuti watamuvwa.

2 Milandu 6:33

lyene uwauvwa ipepo lyakwe ukwiyulu, kuko kuno wikala, nu kumucitila consi cino wakulenga, pakuti antu yonsi umu mpanga zyonsi yamanye izina lyako nupya yakoopa, ndi vino antu yako aina Izlaeli yakacita, nu kumanya ukuti Ng'anda ii ikulu ino nakuula, ali Ng'anda sile umwa kukupepela.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 20:3

Sangala apokelele uwila wako onsi uno watuzile, nu kuzangila mu mpolelwa zyako zyakoca!

Ezaya 43:26

Aleni fwandi katuteke imilandu namwe, landini umulandu uno mumampeela! Londololini tuvwe umulandu winu, apakuti munsinile ukuti mwemwe mukalungika.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Danieli 10:11

Umungeli anena ati, “We Danieli, Leza wakutemwa wakwe cimwi. Katuka nu kusumbako amano kuli vino namakunena. Nintumwa kunuli.” Pacisila lino mungeli wilya walanda cii, inkatuka ala ncili nkuzakaza.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Malaki 3:16

Lyene yayo akaoopa Yawe yatandika ukulanzyanya, nga Yawe auvwa kunoyali nu kutezya vino yalandanga. Ulupapulo lwa ciusizyo ilulembwa pa manso yakwe, ulukalanda pali yayo akaoopa Yawe nu kucindika izina lyakwe.

Mateo 26:13

Cumi, namunena vino, konsi kuno Ilandwe Lisuma lilakosolwa mu nsi yonsi, cii cino umwanaci wii wacita cilalandwa kuti antu yamwiusya.”

Luka 1:29

Maliya asakamikwa pa mazwi yaa, asiima nu kuvwanga ati, “Nga ukulamuka ku kwa musango ci?”

Luka 24:5

Anaci yuvwa intete cuze, nga inamila pansi, alino antu yaya yayuzya yati, “Uzye pacani mukulondela umupuma mu afwe?

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Milimo 14:9

Muntu wi watenzi ala akuuvwa ku mazwi yakwe Paulo. Paulo alola vino akweti utailo na vino angapoziwa. Caleka amulolekesya,

Milimo 22:10

Lyene imuzya inti, ‘Uzye namacita uli Mwene?’ Mwene anena ati, ‘Katuka yanga ku Damasiko, akuno yayakunena vino Leza watakusolwela kuti ucite.’

Milimo 3:4

Lyene yamulolekesya, nga Petulo amunena ati, “Lola kunotuli.”

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Umbwilo 8:4

Ni cunsi ca ubani uno wapyanga cayanga mupela pamwi na mapepo ya antu yakwe Leza kufuma mu minwe ya mungeli wino waimi nkolelo yakwe Leza.

1 Samueli 3:10

Yawe aiza aimilila papa nu kumwama vivi kwene wakwe vino wali wamwama na pankolelo ati, “Samueli, Samueli!” Lyene Samueli nawe aasuka ati, “Vwanga, pano umuomvi wako akutezya.”