Milimo 10:36 - Amazwi Yakwe Leza 2013

³⁶ Mwamanya ilandwe lino watumile ku ina Izlaeli, ukukosola Ilandwe Lisuma ilya mutende kupitila muli Yesu Klistu, wino ali Mwene wa antu onsi.

Milimo 10:36 ပူးပေါင်းရင်းမြစ်များ

Masamu 45:11

Ukuyemba kwako uku malekanga ukuti umwene akulonda. Ali cino wemo fwandi, ulinzile uku muyela pano wene ali musambazi wako.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Masamu 72:7

Leka usuma uvulisye apa nsita ino Mwene ali pano nsi, ni syuko lya antu likayeko insita yonsi, ukufika na pano umwezi ulata ukuya penepo.

Ezaya 55:12

Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Oseya 1:7

Lelo nanti cili vivyo nemo ndatemwa amu mutundu wakwe Yuda, nupya ndayatuula uku maka yane, ne Yawe Leza wao. Ntalayatuula apakuomvya ulapwa, nanti amalupanga, nanti mfwalasi na asilika akakwela pa mfwalasi, ndi vino cikaya apakulwa inkondo, awe.”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mateo 10:6

Lelo mutale muye ku ina Izlaeli, yao ali wa mfwele ziponge.

Mateo 11:27

“Tata wampeela vintu vyonsi. Pasi nanti wenga uwamanya Mwana suka sile Tata, nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Luka 1:79

nu kuyengesa pali yonsi yano aikala mu mfinzi nu mu cinzingwa ca mfwa, nga nu kututungulula mu kwikala umi wa mutende.”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Milimo 10:37

Mwamanya cintu cimwi cikulu, icacitike mu mpanga yonsi mu Yudeya, kutandika mu Galile pacisila lino Yoane wakosozile ilandwe lyakwe ilya luwatizyo.

Milimo 11:19

Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu.

Milimo 13:32

Acino tuli kuno ku kuleta Ilandwe Lisuma kunomuli.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 2:36

“Caleka aina Izlaeli yonsi yalinzile kumanya ningo vino Yesu wii wino mwatanyile pa lupanda awino Leza watacita kuya Umwene na Klistu.”

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Loma 14:9

Pamulandu kwene uu Klistu wafwile nu kuzyukuka kufuma ku mfwa, kuti aye Mwene wa afwe na aumi.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.

1 Kolinto 15:27

Pano calembwa mu malembelo cati, “Watu wika vintu vyonsi pisika lya ngazo zyakwe.” Camanyika ningo ukuti mazwi yakuti “Vintu vyonsi” yatalemenkinyeko Leza umwisikulu uwalenzile kuti Klistu acimvye vintu vyonsi.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”