Milimo 10:30 - Amazwi Yakwe Leza 2013

³⁰ Konelio aasuka ati, “Cali pacisila ca manda yani lino napepanga mu ng'anda yane manguzi, ni nsita yakwe 3 koloko. Umukupumikizya umuntu uwazwite insalu ziyengese aimilila nkolelo yane

Milimo 10:30 ပူးပေါင်းရင်းမြစ်များ

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Danieli 10:12

Lyene mungeli wilya anena ati, “We Danieli, utuvwa intete. Leza uvwa amapepo yako ukutandikila sile pa wanda uno wemo welenginye ukuicefya apakuti upelwe ukwiluka. Nani natiniza apa kwasukwa kwi pepo lyako.

Mateo 28:3

Kuloleka kwakwe kwakoline wa nkuwa, ni vizwalo vyakwe vyali vitiswe kuluta umula.

Mako 16:6

Nawe ayanena ati, “Mutaya ni ntete.” Manyile vino mukulonda Yesu uwaku Nazaleti, wino watanyilwe pa lupanda. Asimo muno, watazyukuka! Lolini pano yamwisile aepa.

Luka 24:4

Lino yacili yakuzunguka cuze pali cii, mukupumikizya, antu yaili aonsi iimilila pa mbali yao ala yazwite vizwalo viyengese cuze.

Milimo 1:10

Yalanga yacili lolekesya kwiyulu lino akukwela, lolini antu yaili azwite vitiswe iimilila pipi nao,

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 10:29

Caleka lino wali watuma kuti nize, ntakanyile kwiza. Uzye, icani cino ungamile?”

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Milimo 3:1

Wanda umwi Petulo na Yoane yayanga ku Ng'anda ikulu yakwe Leza pa 3 koloko amanguzi, nsita ya mapepo.