Milimo 1:8 - Amazwi Yakwe Leza 2013

⁸ Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 1:8 ပူးပေါင်းရင်းမြစ်များ

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Masamu 98:3

Wiusya uluse na ucisinka wakwe uku ng'anda yakwe Izlaeli. Imipaka yonsi iya mumo nsi yalola ufyusi wakwe Leza witu.

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 52:10

Yawe watavimbula ikasa lyakwe lyamuzilo pa manso ya antu ya mitundu yonsi. Alino lyene impela zya nsi zyonsi zilalola ufyusi wakwe Yawe Leza witu.

Ezaya 66:19

“Alino lyene yalasininkizya ukuti anene kwene nayafulula. Ndayapeela icimanyililo nu kutuma yamwi pali yano ndapususya, ku mitundu ni mpanga zya patali zino zitatala zyuvwa ukuzyansya kwane nanti ukulola ucindami na maka yane. Impanga zyonsi izili wakwe Tasyisyi, Libya na Lidya umwaya ya fundi ya makuule. Alino nu ku Tubali na Gilisi kuko ali kuno yalaalanda vya lulumbi lwane.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Zakaliya 4:6

Acino umungeli wilya anena amazwi yakwe Yawe Wamaka yonsi kuli Zelubabeli akuti, “Ivilacitika, asi ku maka ya vita ukulalenga vicitike, nanti asi ku maka yako foo, lelo vilacitika sile ku maka ya Mupasi wane.

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Mako 16:15

Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.

Luka 1:35

Mungeli amwaasuka ati, “Mupasi Wamuzilo uliza panuli, na maka yakwe Leza uwa papelapela yalakuvimba. Pamulandu uu, umwana wamuzilo alaamwa u Mwana wakwe Leza.

Luka 10:19

Uvwini! Namupeela amaka akulyata pa nzoka na makalela nu kucimvya maka yonsi yakwe Ciwa mwanisi, nga mutalazanzwa.

Luka 24:29

Lelo yamupapata yati, “Ikala naswe, pano ilanzi lyatemba na kakuku ikatola.” Caleka aingila aikala nao.

Yoane 15:27

Namwe kwene mulapela umboni pamulandu wane, pano mwaya nani kufuma lino natandike kuomba.

Milimo 1:22

kutandika pa nsita ino Yesu wawatiziwe na Yoane kufika na pa wanda uno yamufumizye pakasi kitu asendwa kwiyulu.”

Milimo 1:5

Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”

Milimo 13:31

nga na pa manda aingi walolike kuli yao apitanga nawe kufuma ku Galile kuya ku Yelusalemu. Ndakai yakwene ali yakambone yakwe ku ina Izlaeli.

Milimo 2:32

Lelo Leza wazyukwile Yesu kufuma ku afwe, naswe sweswe yakambone ya vintu vii.

Milimo 22:15

Pano uli nu kupeela umboni ku antu pamulandu na aliwe, pali vino watulola nu kuuvwa.

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 4:33

Lyene atumwa yatwalilila ukupeela umboni pamulandu wa kuzyukuka kwa Mwene Yesu, nga ni cikuku cakwe Leza cali panoyali onsi.

Milimo 5:32

Naswe sweswe yakambone ya vintu vii, na Mupasi Wamuzilo kwene, wino Leza watapela kuli yano akamuyela.”

Milimo 6:8

Sitivini wali umuntu wino Leza wapolelile umwenzo wakwe pakulu cuze nu kumupeela maka. Wene wacitanga vinjelengwe vikulu ni vizungusyo pakasi ka antu.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.