Milimo 1:15 - Amazwi Yakwe Leza 2013

¹⁵ Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 1:15 ပူးပေါင်းရင်းမြစ်များ

Mateo 13:31

Yesu ayanena mulumbe nauze ati, “Uwene wa mwiyulu ukoline wa lumbezu lwakwe musunta luno umuntu watile mu calo cakwe.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Yoane 14:12

Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.

Yoane 21:23

Caleka mpwelo isalangana konsi mu alondezi yakwe Yesu ukuti wii wene atalafwa. Lelo Yesu atavwanzile vino wii wene atalafwa. Wene wavwanzile ati, “Ndi nkasi kuti alali kufika na lino ndiza, uzye cikupazi?”

Milimo 10:23

Alino Petulo aingizya mu ng'anda ayasezya. Lyene katondo pa wanda walondelile akatuka apita nao, nga yamwi amu Yopa yano ataile yapita pamwi nawe.

Milimo 11:1

Atumwa pamwi na ataile yano ali mu Yudeya yuvwa ukuti na Akulukuwa kwene yati yapokelela izwi lyakwe Leza.

Milimo 11:12

Mupasi Wamuzilo anena kuti tupite nao kwaula kuzingota. Na inane mutanda, ataile aku Yopa, yansukilile ku Kesaliya, swensi twingile mu ng'anda yakwe Konelio.

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 12:17

Alino Petulo ayasinizya ku makasa yakwe kuti yamyalale, nga ayalondolwela vino Mwene wamufumizye mu ng'anda yaminyololo. Ayanena ati, “Kanenini Yakobo na ina itu yonsi pali vii.” Alino afuma, aya kuze.

Milimo 14:2

Lelo Ayuda atakasi kutaila yatunka Akulukuwa kuti yapate aina Klistu.

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Milimo 15:3

Amwi uvi yayasukilila pa lwendo, yasalala mu Fonisya na Samaliya ala yakulandila ataile vino Akulukuwa yataile muli Leza, ilandwe lii lizanzya ataile.

Milimo 16:2

Onsi aina ali mu Lisitala nu mu Ikoniamu yatasyanga milimo yakwe Timoti.

Milimo 16:40

Paulo na Sailasi yafuma mu ng'anda yaminyololo yaya ku ng'anda yakwe Lidya. Yakomanya aina, yayanena amazwi akuyakomelezya nga yapita.

Milimo 17:10

Zuwa lino kwafita, aina yatuma Paulo na Sailasi ku Belea. Lino yafikako, yaya ku ng'anda yamapepo ya Ayuda.

Milimo 17:14

Lilyo kwene aina yatuma Paulo kuti aye kuli yemba, lelo Sailasi na Timoti yasyala mu Belea.

Milimo 17:6

Lelo lino yatayazanyile, yafumizye Yasoni na yano ataile yayatwala ku ntunguluzi zya musumba, yapunda yati, “Antu yaa yacita icimvulunganya mu misumba yonsi! Ndakai yati iiza nu mu musumba witu kwene,

Milimo 18:18

Paulo watenzi na ina Klistu amanda aingi mu Kolinto, lyene ayapakasya, apatama mu wato pamwi na Pulisila na Akwila, nga yaya ku Silya. Lino yatali yapatame mu wato pa Kenkelea Paulo apela lukuzu kulingana nu mulapo uno walafile kuli Leza.

Milimo 18:27

Lino Apolo watemwa kuya ku Akaya, aina amu Efeso yamukomelezya yalemba na kalata ku ina aku Akaya, yayanena kuti yakamuzengele. Lino wafisileko, wali akazwa mukalamba kuli yano ataile Klistu kupitila mu cikuku cakwe Leza.

Milimo 21:17

Lino twafika mu Yelusalemu aina itu yatuzengela ningo.

Milimo 21:20

Pacisila ca kumuvwa, yonsi yalumbanya Leza. Lyene yanena Paulo yati, “Mwina witu Paulo, watulola, vino Ayuda mazimbi aingi yati yataila muli Klistu nga nupya yaipelesya kuyela Masunde yakwe Mose.

Milimo 21:7

Tutwalilila nu lwendo lwitu tufuma ku Tulo tuya ku Musumba wa Putolemai, amuno twalamukana na ina itu, nga twikala nao uwanda onga.

Milimo 22:5

Simapepo Mukulu pamwi na amwi Tengo yonsi yangancitila umboni ukuti nemo nkuvwanga icumi. Yene yampile makalata akuyalangizya ku Ayuda aina itu amu Damasiko. Caleka naile kuku kuti nkaleme antu kwene yaa, nga njalete ku Yelusalemu ale yanyefilwe mu minyololo, kuti yavunukwe.

Milimo 28:14

Tuzanako ataile yamwi nga yatulenga kuti twikale nao umulungu onga. Alino tukatuka tufika ku Loma.

1 Kolinto 15:6

Alino nupya aloleka ku alondezi yakwe yonsi pamwi kuluta impendwa kulingana myanda isano. Aingi pali yaa yacili aumi, nanti angala yamwi munoyali yafwa.

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 3:4

Lelo pali yamwi anono sile amunomuli amu Sadisi yano atakowezya vyakuzwala vyao. Yene yalapita pamwi nani yala yazwite vizwalo vitiswe, pano cati ciyalinga kucita vivyo.