Milimo 1:11 - Amazwi Yakwe Leza 2013

¹¹ yati, “Mwe antu amu Galile nga pacani muimi mukulola mwiyulu? Yesu wi uwasendwa kufuma kunomuli nu kuya kwiyulu, alawela mu musango uli umwi kwene uno mwamulolelamo akuya kwiyulu.”

Milimo 1:11 ပူးပေါင်းရင်းမြစ်များ

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Mateo 24:30

Pa nsita ilya, cilangililo ca Mwana wa Muntu cilaloleka mwiyulu. Na antu amu nko zyonsi mu nsi yalalosya lino yalalola Mwana wa Muntu akwiza mu makumbi na maka nu lulumbi lukulu.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mako 13:26

Alino Mwana wa Muntu alaloleka, akwiza mu makumbi na maka akulu nu lulumbi.

Mako 14:70

Lelo Petulo akana nupya. Lino papita kasita kanono yano aimi pipi nupya yanena Petulo yati, “Cumi, nawe kwene wewe uwa munoyali, pano wewe waku Galile.”

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Luka 21:27

Alino Mwana wa Muntu alaloleka, akwiza mwi kumbi na maka akulu nu lulumbi.

Luka 24:5

Anaci yuvwa intete cuze, nga inamila pansi, alino antu yaya yayuzya yati, “Uzye pacani mukulondela umupuma mu afwe?

Yoane 14:3

Lyene ndi napita kukumuteyanyizizya ncende, ndawela kwiza mutola kuti kunondi akuno namwe mukaye.

Milimo 1:2

kufika na pa wanda uno Leza wamusenzile kwiyulu. Lino atali kuti asendwe kwiyulu, mu maka ya Mupasi Wamuzilo wasile wapela utunguluzi ku atumwa yano wasolwile.

Milimo 1:22

kutandika pa nsita ino Yesu wawatiziwe na Yoane kufika na pa wanda uno yamufumizye pakasi kitu asendwa kwiyulu.”

Milimo 1:9

Pacisila lino wavwanga vintu vii, asendwa kwiyulu ala yakulola. Alino ikumbi limuvimba nga nao yata kumulola.

Milimo 13:31

nga na pa manda aingi walolike kuli yao apitanga nawe kufuma ku Galile kuya ku Yelusalemu. Ndakai yakwene ali yakambone yakwe ku ina Izlaeli.

Milimo 2:7

Lyene yonsi yazunguka ciyapezya mano, yati, “Uzye antu yaa yonsi akuvwanga asi aina Galile?

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.