Mika 7:8 - Amazwi Yakwe Leza 2013

⁸ Mwe anisi yitu mutatuseka. Nanti angala twatitupona, lelo tumakatuka. Nanti angala twatitwikala mu mfinzi, Yawe ali luswepo lwitu.

Mika 7:8 ပူးပေါင်းရင်းမြစ်များ

Yobo 31:29

“Nemo ntatala nasekela mwenemo, apakulola kuno anisi yane yasyama, nanti ukuzanga apakulola kuno anisi yane yazanzwa.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Masamu 143:3

Umwanisi akucuzya umwenzo wane. Watafwanta umi wane pansi. Watampatikizya ukwikala umu mfinzi, ungati ayano yafwa mpiti.

Masamu 20:8

Yene yalapumika nu kupona pansi. Lelo swemo tulimilila sika nu kuzyansya!

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 35:19

Utaleka anisi yane akapepa ufi yazange apamulandu wa kucimviwa kwane! Utaleka yao ampata ukwaula umulandu yansyenteka pamulandu nu landa wane!

Masamu 37:21

Umuntu mwipe akakongola ukwaula nu kulipa. Lelo umusuma wene waya nu wila nu kupeela akapeela.

Masamu 37:24

Ndi wapona asisyala alambalile, pano Yawe aliwe akamulemelela, akatuka.

Masamu 38:16

Utaleka anisi yane yayuvwe panondi, utaleka yuvwe icilumba kunondi, ndi cakuti ulwazo lwane lwasyelemuka napona!

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Masamu 97:11

Uluswepo lukayengesela yayo akacita vyaololoke, nga antu yayo yaya ni nsansa.

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Ezaya 49:9

Ndanena amu ng'anda yaminyololo inti, ‘Fuminimo!’ Na yano ikala umu kanda nayo ndayanena inti, ‘Sokolokini, izini pano apaswe.’ Yalaya wa mfwele zino zikulya umulemvwe pa myamba isanzuke.

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Ezaya 9:2

Antu akapita umu mfinzi yatiyalola uluswepo ulukulu lwa ufyusi. Na pali yano akaikala mu wikalo wa cinzingwa ca mfwa, kunoyali kwiza luswepo kwati kumacaca.

Yelemiya 48:27

Uzye asi wewe wasekanga Izlaeli? Uzye yamulemile apakasi ka ivi, apakuti lyonsi wemo wapukanya sile umutwe wako, lyonsi lino walumbula izina lyakwe?

Yelemiya 50:11

“Sansamukini, zangini mwemuno mwapokolwilwe caupyanyi cane! Cenini wa kana ka ng'ombe mu nyika ya mulemvwe, mulile wa mfwalasi zyaconsi.

Yelemiya 8:4

Yawe anena kuti nene antu yakwe inti, “Uzye lino umwi wapona atange akatuke nupya? Na wino waponga inzila, uzye atange aweluluke nupya?

Ezekelo 25:6

“Pamulandu wakuti wakomela inkufi zyako nu kulizya insindo, nga nu mwenzo wako mwazula umusaalula pa mpanga ya Izlaeli,

Ezekelo 35:15

Pamulandu wakuti wasansamwike, lino impanga ya ng'anda yakwe Izlaeli yasangwike ulwanga, nawe kwene avino ndakucita umusango uli onga kwene. Ulaya ulwanga, we mwamba wa Sili, pamwi ni mpanga yonsi yakwe Edomu. Lyene alino yalamanya ukuti nene indi Yawe.”

Ezekelo 36:5

Nemo ne Yawe ninkalipila wakwe cimwi antu ya mitundu iyaya umu mbali, maka maka Edomu awino nacizyapo. Antu pamulandu ni cilumba cao ni misula yao yapoka impanga yane, ni ncende zya kucemelamo iviteekwa zyasanguka izyao.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Obadiya 1:12

Mwemo mutalinzile ukusyenteka anyonko Ayuda pamulandu wa malanda yano yayaponela. Mutalinzile ukuzangila mu wanda wa kononwa kwao, nanti ukuyaseka mu nsita ino yene yakucululuka.

Mika 4:10

Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Mateo 4:16

Antu yano akaikala mu mfinzi, yati yalola luswepo lukulu lwa ufyusi. Na pali yao aikala kwati yali mu mpanga ya mfinzi, yati yalola luswepo lwa ufyusi wakwe Leza.”

Yoane 16:20

Cumi nkumunena vino mulalila nu kulosya, lelo amu nsi yalasansamuka. Mulaya nu ulanda lelo ulanda winu ulasenuka uye insansa.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

2 Kolinto 4:9

Tukazunyiwa, lelo tusitazyelwa. Nanti yatufwanta tusyacimba.

Umbwilo 21:23

Kuwala kwi lanzi nu mwezi kusyalondekwa mu musumba ukulu, pano lulumbi lwakwe Leza lukayengesa mwenemo, nga nu Mwana wa Mfwele ali lampi lyauko.

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.