Mika 7:4 - Amazwi Yakwe Leza 2013

⁴ Umuntu umusuma ukuluta auze ali ungati ivikona, uwacumi nawe akoline cimpinda ca myunga. Uwanda uno Leza alavunuka antu watiufika, ndi vino wayacewile ukupitila muli yakalinda yao, yakasema. Lyene ndakai yatiyavulunganyiziwa.

Mika 7:4 ပူးပေါင်းရင်းမြစ်များ

Ezaya 10:3

Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Ezaya 22:5

Ndakai ili nsita ya malanda, iya wilikizi na kanyati nupya iya cimvundawila muno umu Cifoloma ca Cilolwa. Na vii vyonsi Yawe Wamaka yonsi aliwe avilesile kunotuli. Uli wanda wa kuwisya kwa malinga, Ni mpooma zyakwe tutulwe, zyati zyuvwika papela ya myamba.

Ezaya 55:13

Apakamela imyunga palamela imilemo imipaini. Alino apakamela lwenya palamela cipupa ca muti ununkile wakwe cisu. Na vivyo vyonsi vilaletela Yawe ululumbi. Cilaya icintu cimwi cakwiusya pee, cino citalafuma penepo.

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.

Yelemiya 11:23

Insita ndi yaca yafika ino nemo nteyanyizizye ukufulula aina Anatoti, awe cumi kutalasyala nanti wenga.”

Yelemiya 46:21

Asilika ivipondo yano yali nayo, yakoline wa ana ya ng'ombe aine. Yonsi pamwi yaseleuka nu ku lupuuka. Yaposiwa kuzyansya pano uwanda wa kuzanzwa wati uyazana, insita yao yakuvunukwa.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Ezekelo 28:24

“Muli yayo yonsi azinguluka ulupwa lwa ina Izlaeli nu kulupata, mutalatala muye umunga uwakulutota, nanti nkololwa uwakulukolola. Alino yalamanya ukuti nene indi Yawe.

Amosi 8:2

Yawe anguzya ati, “We Amosi, uzye walola cani?” Nani naasuka inti, “Nalola umuse wa viseekwa ivice.” Lyene Yawe anena ati, “Insita iya mpela ya antu yane aina Izlaeli yatifika. Nanti ciye uli, mpaka njavunuke.

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Luka 21:25

“Kulaya vilangililo vyakuzunguka pi lanzi, mwezi, ni ntanda. Muno nsi, antu amu nko zyonsi yaloofiwa nu kupelelwa pamulandu wakukatuka kwa maimbi nga nu kululuma kwakwe yemba.

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.