Mika 7:3 - Amazwi Yakwe Leza 2013

³ Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Mika 7:3 ပူးပေါင်းရင်းမြစ်များ

Mapinda 16:30

Akazyatika ivipa akaelenganya ivisi vilungamane. Akasyetamika imilomo, awiyo uwatacita iciipe.

Mapinda 17:23

Umwipe akapoka amafukakanwa, afisa umwilaya lyakwe, ali pakunyonganika upinguzi.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Ezaya 32:7

Umuntu umutumpe inzila zyakwe iziipe. Wene akaelenganya ivyakufyengelekezya sile apina umu kuyatumpwila. Nupya akayakanya ni nsambu zyao.

Ezaya 5:23

Kalanda kunomuli mwemuno mukapoka amafukakanwa uku antu amilandu. Umulungami, asi nu mulandu wene imumufyenga.

Yelemiya 3:5

Uzye ungatukwatila icipyu lyonsi pee na pee? Uzye umatwalilila ukusoka umuyayaya? Vivyo ali vino mukavwanga, lelo ukwifya kwene apapa kwene.”

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 22:6

Intunguluzi zinu zyonsi mwe ina Izlaeli zikaomvya amaka yakwezyo pa kukoma antu.

Ezekelo 34:21

Pano imfwele zitonte uku mbazo zinu mwemo mukazipumola nu kuzisunka pakuti zifume mu ufyo.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’

Oseya 4:18

Pacisila cakumwa waini umuvule, yene yakazangila mu kucita uzelele, ala yakulukisya ukuzewana ukuluta umucinzi.

Oseya 7:3

Antu yasomba umwene uku vicitwa vyao viipe, ni vilolo vyakwe uku mapange yao aufi.

Amosi 5:12

Nene manyile uwingi wa viipe vinu nga nu ukulu wa maifyo inu. Mukazunya antu akacita vyaololoke nu kupoka amafukakanwa nu kunyongelekezya imilandu ya apina mu matengo ya milandu.

Mika 2:8

Yawe akuti, “Lelo mwemo mukakatukila antu yane wa mwanisi. Antu yakufuma ku nkondo, ala yakwelenganya ukuti kumwao kuli umutende. Lelo mwemo mukayafisamila, imwelenganya ukuyapoka imingila yao ino yazwite.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 3:2

mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Mateo 26:15

ayauzya ati, “Uzye ndi namukoopela Yesu, mumampela cani?” Alino nao yamupeela impiya makumi yatatu zyakwe siluva.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.