Mika 7:2 - Amazwi Yakwe Leza 2013

² Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Mika 7:2 ပူးပေါင်းရင်းမြစ်များ

Masamu 10:9

Akayafisamila umu matesi wakwe cisama. Wene akateyamila umupina, alino ndi wamulema mu citeyo cakwe amukwetela ukutali.

Masamu 12:1

Ntuule we Yawe! Kusi antu asuma asile penepo, nanti sile antu afumaluke yasila.

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 57:6

Anisi yane yatiyateya isumbo ilyakuti indemye, lelo nemo natimfumfuma mwenemo. Yatiyanjimbila ucinga umu nzila, lelo aliwo kwene yatiyawela iyaponela mwenemo.

Mapinda 1:11

Ndi cakuti yati, “Tuye twapita umukuzwisya uwazi, tuteyamile umwi tumukome sile uku mufulo,

Mapinda 12:6

Amazwi ya muntu mwipe yakakomesya, lelo amazwi ya muntu musuma yakatuula antu.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Ezaya 57:1

Umuntu mololoke akafwa, lelo kusiya nanti wenga uwakuti ailuke nanti ukusakamala foo. Antu yololoke lino yasendwa, ala yakululwa uku ui, apakuti iyaya yikala umu longo.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Ezaya 9:19

Impanga yatipya uku ukali wakwe Yawe Wamaka yonsi cakuti antu yatiyapya. Cila muntu lyene akantunta ntwala.

Yelemiya 16:16

Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Yelemiya 5:16

Ivyanzo vyao vikoline ni lindi ilyasame. Yonsi pyu pano yapela ivita vyamaka.

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Nyimbo zya ndosya 4:18

Anisi itu yatucevyanga, cakuti twaposiwe nu kutampula intampulo mu miseo. Amanda itu yalanga yasila ni mpela yitu yatiyiza.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Oseya 5:1

“Mwe yasimapepo, uvwini vii! Mwe ina Izlaeli mwe, mukutike mwensi.

Oseya 6:9

Ndi vino azanzi yakateyamila umuntu umwi, vivyo kwene avino yasimapepo yakacita kuti yakome antu umu museo uwaku Syekemu. Cumi kwene yene yakakoma antu uku mufulo sile.

Mika 2:8

Yawe akuti, “Lelo mwemo mukakatukila antu yane wa mwanisi. Antu yakufuma ku nkondo, ala yakwelenganya ukuti kumwao kuli umutende. Lelo mwemo mukayafisamila, imwelenganya ukuyapoka imingila yao ino yazwite.

Mika 3:10

Mwakuula Zioni umu cuma cakwe ucikoma nu lufyengo, Musumba wa Yelusalemu wakuulilwa na maifyo inu.

Mika 3:2

mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Milimo 24:9

Ayuda yazumilizya, yalanda ukuti vii vyonsi ivya cumi.

1 Samueli 24:11

Tata, silola akapimfya ka mwingila wako kano ndemile mu minwe! Ninalepula isempele lya mwingila wako, lelo ntakukomile. Acino lyene manya vino nemo ntakweti umulandu umwi nupya ntakusangukila awe. Nemo ntifya kunuli, lelo wemo ukundunga kuti unkome.

1 Samueli 26:20

Fwandi utakaleke inkakomwe umu mpanga ya inamasi, ukutali na Yawe. Uzye icani icingaleka ukuti wewe, we mwene wize wandunga nemuno nacepa wa kalupantila, wakwe vino umuntu akalunga inkwale umu myamba?”