Mika 7:18 - Amazwi Yakwe Leza 2013

¹⁸ Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mika 7:18 ပူးပေါင်းရင်းမြစ်များ

Utandiko 4:7

Ndu cita visuma ngani nakuzangila. Lelo pamulandu wakuti watucita iviipe, iifyo lyatilikuteyamila pa mulyango wako wa cilyanyi. Likukulondesya kuti likuteeke uzya, lelo ufwile kulicimvya.”

1 Yamwene 8:23

nga apepa ati, “Iye, we Yawe, Leza wa ina Izlaeli, kutaya Leza akoline nawe pano pansi nu mwiyulu nanti pansi ya nsi! Wemo ukaiusya nu kusunga upangano wako na antu yako, nu kuyalanga ukutemwa ukwamuntaputuka, ndi yakucita ukulonda kwako.

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

2 Milandu 6:21

Uwauvwa amapepo yane na mapepo ya antu yako aina Izlaeli lino yamaizanga mwenemo uku kupepa. Na lino uvwa amapepo yao, uwaelela.”

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 103:13

Vino isi akakwatila ana uluse, ali vino Umwene akakwata uluse uku antu amukwatila icoopo.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Masamu 35:10

Umwili wane onsi umatakanga ukuti, “Kutaya nanti wenga uwaya wakwe wewe! Ukatulanya anyukuntike kuli yao amaka, alanda na ulilwe, kuli yao akatitikizya!”

Masamu 65:3

Apa mulandu wa kwifya kwitu nanti tungifya uli, wemo ukatwelela apa kuluvyanya kwitu.

Masamu 65:4

Alongo antu yano wemo wasolola, apakuti yangaikala umwi sano lyako ilyamuzilo! Tumasekelanga apa vintu ivizipe ivyaya umwako, apa upolelelo uwaya mung'anda yako yamuzilo!

Masamu 71:19

We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Masamu 89:6

Uzye aweni umu lwelele wino angakolana nawe we Yawe? Uzye aweni umwiyulu angaya wakwe wewe?

Masamu 89:8

We Yawe Leza Wamaka yonsi, uzye aweni uwaya na maka wakwe wewe, wemuno watailwa muli vyonsi?

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 33:24

Apa antu yonsi aaya umu mpanga itu, patalaya nanti wenga alailizyanya apakulwala. Alino antu yonsi nayo yalaelwa uluse apa uyi wao.

Ezaya 38:17

Apakucula kwene palasungutila umutende, pano awewe sile wenga ukampususya uku vikalipe vyonsi, nupya awewe ukamfumizya uyi wane onsi.

Ezaya 40:18

Aweni fwandi wino tungakolanyako Leza? Aweni uwamukolako icata?

Ezaya 40:25

Wamuzilo wilya akuti, “Uzye aweni fwandi wino mungakolanyako kuli nene? Uzye kwaya namuze angalingana nani?”

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Ezaya 57:10

Nanti angala mukatonta uli apakulondelezya utuluwi, mutange mutale mutonte foo. Mwemo mukalola ukuti utuluwi kwene tuto, tuleza twinu utwipisye tulamupeela amaka, nupya aici nu ukasu kwene mutakwata.

Ezaya 57:16

“Pano nene napeela antu yane umi. Ali cino fwandi ntalatala njalemanizye, nanti ukuyasokela lyonsi foo.

Ezaya 62:5

Ndi vino umulumendo akafumalila umukazyana nacisungu, ali vino kaumba wako amakufumalila nu kwikala mumaikalanga pamwi nawe, nu luzango wakwe cimwi.

Ezaya 64:9

Ali cino fwandi, utaasoka vivyo nanti kwelenganyapo sana apa uyi witu. Swemo sweswe antu yako, wemo watuyelelako sile uluse.

Ezaya 65:19

Nani kwene kumwi, ndaya sile uwa nsansa zituputupu, pamulandu wakwe Yelusalemu na antu yakwe. Mutalaya uwakulukusya aminsozi, nanti sile uwakukuuta ati, ‘Tutulwe!’

Yelemiya 3:12

Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 3:5

Uzye ungatukwatila icipyu lyonsi pee na pee? Uzye umatwalilila ukusoka umuyayaya? Vivyo ali vino mukavwanga, lelo ukwifya kwene apapa kwene.”

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 32:41

Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”

Yelemiya 33:8

Ndayazifya ukwi ifyo ilili lyonsi lino yacisile kunondi nu kuyaelela uluse uku maifyo yonsi yano yacisile imisuli nu kunsangukila.

Yelemiya 38:8

Ebedimeleki afuma mwi sano, anena nu mwene ati,

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Ezekelo 18:23

Nemo ne Yawe Simwandalali nkuuzya inti, ‘Uzye nemo ne Yawe nkasansamuka pakulola umuntu mwipe kuno wafwa?’ Ala asi vivyo foo, lelo nemo nkasansamuka pakulola umuntu mwipe kuno wazenzuka nu kuya nu umi.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Ezekelo 33:16

Nemo ndamuyelela uluse apa uyi wakwe onsi uno wacisile mpiti. Alaikala nu umi apamulandu nu kuzifya kwakwe na pa kulungika kwakwe.

Danieli 9:9

Wemo waya na mizu nupya ukatwelela uluse, nanti angala twakusangukila.

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Yowelo 2:32

Lyene alino wensi wino alaama pi zina lyakwe Yawe alatuulwa. Pasi pano uku Mwamba wa Zioni nu ku Yelusalemu, na muli yayo yamwi asyala palazanwa yamwi yano Yawe alaama.”

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Amosi 7:8

Alino Yawe anguzya ati, “We Amosi, uzye icani cino walola?” Nani imwaasuka inti, “Umwando wakupimilako ulung'umba.” Lyene Yawe avwanga ati, “Nkwika umwando kwene uu pakasi ka antu yane aina Izlaeli kuti ciloleke vino yene yatiyafuma mu nzila. Nanti ciye uli, mpaka njavunuke.

Amosi 8:2

Yawe anguzya ati, “We Amosi, uzye walola cani?” Nani naasuka inti, “Nalola umuse wa viseekwa ivice.” Lyene Yawe anena ati, “Insita iya mpela ya antu yane aina Izlaeli yatifika. Nanti ciye uli, mpaka njavunuke.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Mika 2:12

“Lelo mwe amu mupanda wakwe Yakobo, ndamukonganika pamwi mwensi. Mwensi mwe ina Izlaeli asyala ndamukonganika pamwi ungati mfwele mu citata, ungati ufyo umu ncende ya uko iyakucemelamo. Nupya kwene antu yalazuula wakwe cimwi mu mpanga inu.

Mika 4:7

Ivilema vivyo ndaleka viye antu yane asyalapo, yayo azinzilwe kumwao yalaya uluko lwa maka. Nene ne Yawe ndaya umwene wao apa mwamba wa Zioni, ukutandikila sile apa nsita kwene iyo mpaka umuyayaya.”

Mika 5:3

Caleka Yawe alatazyela Izlaeli, mpaka ukufika na pa nsita ilya, lino mangu wilya wino ali pipi nu kupapa alalela umwana. Lyene asyala amu mutundu wakwe yalaswilila ku ina Izlaeli yauze.

Mika 7:14

We Yawe sungala wacema antu yako uku nsonzo yakuyakumbilizya, utungulule ufyo wa mfwele zyako zino waisolwela. Ndakai zitenzi zyonga mu mutengo, mu mpanga yamulemvwe yakucemelamo ivunde. Lelo zitini ziye zikalye mu mpanga yamulemvwe, yakucemelamo yaku Basyani nu ku Gileadi, ndi vino cali mu manda ampiti.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Loma 11:4

Uzye Leza wamwaswike ati uli? Watile, “Naisungila antu yane amazimbi cinimbali atatala yapepa Baali, leza kaluwi.”

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.